10 வயது சிறுமிக்கு பாலியல் சீண்டல்: முன்னாள் ராணுவ வீரருக்கு 20 ஆண்டு சிறை

கன்னியாகுமரி மாவட்டம், மாா்த்தாண்டத்தில் 10 வயது சிறுமியிடம் பாலியல் சீண்டலில் ஈடுபட்ட முன்னாள் ராணுவ வீரருக்கு 20 ஆண்டு சிறை தண்டனை விதிக்கப்பட்டது.

மாா்த்தாண்டம் அருகேயுள்ள கொடுங்குளம் பகுதியைச் சோ்ந்தவா் சுதா்சன்(49). முன்னாள் ராணுவ வீரா். இவா் கடந்த 2018 ஆம் ஆண்டு பக்கத்து ஊரில் வசித்து வந்த 10 வயது சிறுமியிடம் பாலியல் சீண்டலில் ஈடுபட்டதாக அச்சிறுமியின் தாயாா் மாா்த்தாண்டம் அனைத்து மகளிா் காவல் நிலையத்தில் புகாா் அளித்தாா். அதன்பேரில் சுதா்சன் மீது போலீஸாா் வழக்குப் பதிவு செய்து அவரைக் கைது செய்தனா்.

இது தொடா்பான வழக்கு, நாகா்கோவில் போக்சோ நீதிமன்றத்தில் நடைபெற்று வந்தது. வழக்கை விசாரித்த நீதிபதி சுந்தரையா, சுதா்சனுக்கு 20 ஆண்டு சிறை தண்டனையும், ரூ.3 ஆயிரம் அபராதமும் விதித்து வியாழக்கிழமை தீா்ப்பு கூறினாா்.