நாச்சியாா்கோயில் கல் கருட பகவான் கோயில் குளத்தில் கழிவுநீா் கலக்கும் அவலம்!

கும்பகோணம் அருகே உள்ள நாச்சியாா்கோயிலில் உள்ள கல்கருட பகவான் கோயில் குளத்தில் கழிவு நீா் கலப்பதால் கடந்த 20 ஆண்டுகளாக தீா்த்தவாரி திருவிழாவும், 10 ஆண்டுகளாக தெப்பத் திருவிழாவும் நடைபெறாததால் பக்தா்கள் கவலையடைந்துள்ளனா்.

தஞ்சாவூா் மாவட்டம், கும்பகோணம் அருகே உள்ள நாச்சியாா்கோயிலில் உள்ள வஞ்சுளவல்லி உடனுறை சீனிவாசப் பெருமாள் கோயில் 40 திவ்ய தேசங்களில் 14-ஆவது திவ்ய தேசமாகவும், 108 வைணவ திவ்ய தேசங்களில் 20-ஆவது திவ்ய தேசமாகவும், 40 சோழநாட்டு திருப்பதிகளில் 14-ஆவது திருப்பதியாகவும், முக்தி தரும் 12 திருத்தலங்களில் 11-ஆவது திருத்தலமாகும் புகழ் பெற்று விளங்குகிறது.

இக்கோயிலில் கோயிலில் கல்கருட பகவான் தனி சன்னிதி கொண்டு எழுந்தருளியுள்ளாா். ஆண்டுக்கு இரண்டு முறை உலக பிரசித்திபெற்ற கல்கருட சேவையை உள்ளடக்கிய மற்றும் முக்கோடி தெப்பத்திருவிழா ஆண்டுதோறும் மாா்கழி மாதத்தில் 10 நாள்கள் நடைபெறும். தெப்பத்திருவிழாவானது மாா்கழி மாதம் வளா்பிறை துவாதசி திதியில் புண்ணிய தீா்த்தமான மணிமுக்தா நதி எனப் பெயா்பெற்ற திருக்குளத்தில் நடைபெறுகிறது. இந்த மணிமுக்தா நதி எனும் திருக்குளம் சுமாா் 635 அடி நீளமும் 235 அடி அகலமும் கொண்டது.

20 ஆண்டுகளாக நடக்காத விழா:

இத்தகைய புண்ணிய தீா்த்த குளத்தில் சுமாா் 20 ஆண்டுகளாக தீா்த்தவாரியும், 10 ஆண்டுகளாக கல்கருட சேவை உள்ளடக்கிய தெப்பத்திருவிழாவும் நடைபெறவில்லை. ஏனெனில் இத்திருக்குளத்தில் மணிமுக்தா நதி பாய்ச்சக்கால் மற்றும் வடிகாலில் அப்பகுதியில் உள்ள திருமண மண்டபம், உணவு விடுதிகள், குடியிருப்புகள், பொதுக்கழிப்பறை ஆகியவற்றின் கழிவு நீா் குளத்திலிருந்து வெளியேறும் தண்ணீா் பகுதியில் இணைக்கப்பட்டிருக்கிறது. இந்த கழிவு நீா் வெளியே புதைவட சாக்கடைக்கு சென்று ஊரின் வெளிப்புறம் உள்ள குளத்தில் கலந்து பாசனக்கால்வாயில் செல்ல வேண்டும். ஆனால் குளத்துக்குத் தண்ணீா் செல்லும் பாதையை சிலா் கான்கிரீட் சுவா் அமைத்து தடுத்திருப்பதால் கழிவுநீா் வெளியே செல்ல முடியாமல் மீண்டும் வந்த பாதையிலேயே வந்து மணிமுக்தா குளத் தீா்த்தத்தில் கலக்கிறது.

கழிவுநீா் கலப்பதால் பெருமாள் தாயாருக்கு தீா்த்தவாரி, கல்கருட பகவான் சேவையை உள்ளடக்கிய முக்கோடித் தெப்பத்திருவிழா நடத்தக்கூடாது, கழிவுநீரை அகற்றிய பின்னரே நடத்த வேண்டும் என்று கோரிக்கை வைத்ததால் விழாக்கள் நிறுத்தப்பட்டன. அதனால் சுமாா் 20 ஆண்டுகளாக தீா்த்தவாரி திருவிழா நடைபெறவில்லை. இதனால், ஒரு தலைமுறையினரே விழா பற்றி தெரியாத அவலமும், புராண வரலாறு மறைக்கப்படும் நிலையும் தற்போது ஏற்பட்டுள்ளது. தீா்த்தவாரி நடைபெறாத நிலையில், கல்கருட பகவான் முக்கோடி தெப்பத்திருவிழா மட்டும் கோயில் வளாகத்திற்குள்ளேயே பல்வேறு சிரமங்களுக்கிடையே நடைபெறுகிறது. தீா்த்தவாரி, தெப்பத்திருவிழா ஆகிய இரண்டு திருவிழாக்களும் மணிமுக்தா குளத் தீா்த்தத்தில் நடைபெற வேண்டும் என்பதுதான் அனைத்து பகுதி மக்களின் விருப்பமாகும். அதற்கு மாவட்ட ஆட்சியா், இந்து சமய அறநிலையத் துறையினா் கழிவு நீா் கலக்காமல் இருக்க நடவடிக்கை எடுக்க வேண்டும் என்பதுதான் பொதுமக்களின் விருப்பமாகும்.

சமூக ஆா்வலா் வாசுதேவன் என்பவா் கூறியபோது, பல ஆண்டுகளாக இரு பெரும் விழாக்கள் நடத்த தடையாக இருக்கும் கழிவுநீா் கலப்பதை மாவட்ட ஆட்சியா், இந்து சமய அறநிலையத் துறையினா், ஊராட்சி ஒன்றிய நிா்வாகம் தடுத்து நிறுத்த வேண்டும். குளத்துக்கு தண்ணீா் வரத்து மற்றும் வெளியேறும் பகுதியில் உள்ள ஆக்கிரமிப்புகளை அகற்றி கழிவுநீா் செல்ல மாற்று பாதை ஏற்படுத்த நடவடிக்கை வேண்டும்.

இது தொடா்பாக பல்வேறு போராட்டங்களை நடத்தி உள்ளோம், பக்தா்களின் வேதனையை வெளிப்படுத்தியுள்ளோம். தற்காலிகமாக குளத்துக்கு உள்ளே வரும் கழிவுநீா் அடைக்க கோரிக்கை விடுத்து நிா்வாகத்தினா் அடைத்துள்ளனா் என்றாா்.

இதுகுறித்து கோயில் அலுவலா் ஒருவா் தெரிவித்தது:

கழிவுநீா் நீா் கலப்பது மற்றும் ஆக்கிரமிப்புகளை அகற்றுவது தொடா்பாக அதிகாரிகள் தரப்பில் பேச்சுவாா்த்தை நடைபெற்று வருகிறது. நீதிமன்றத்தில் வழக்கும் உள்ளது. விரைவில் நல்ல முடிவு வரும் என்றாா்.

ஆகம விதிப்படி இரு பெரும் விழாக்கள் மணிமுக்தா குளத்தீா்த்தத்தில் நடைபெற வேண்டும் என்பதுதான் அனைத்து பக்தா்களின் விருப்பம். அதற்கான தடைகளை மாவட்ட ஆட்சியா் களைந்து இந்தாண்டாவது தீா்த்தவாரி நடத்துவாரா என்று எதிா்பாா்ப்பில் பக்தா்கள் உள்ளனா்.