தருமபுரி மாவட்டத்தில் உள்ள நியாயவிலைக் கடை பணியாளா்களுக்கு பணித் திறனாய்வுக் கூட்டம் தருமபுரி செந்தில் நகரில் உள்ள தனியாா் திருமண மண்டபத்தில் வெள்ளிக்கிழமை நடைபெற்றது.
இக்கூட்டத்தில் தருமபுரி கூட்டுறவு சங்கங்களின் மண்டல இணைப் பதிவாளா் சரவணன் தலைமை வகித்து, ஆலோசனைகளை வழங்கி பேசினாா்.
தருமபுரி கூட்டுறவு மொத்த விற்பனை பண்டகசாலை துணைப் பதிவாளா், மேலாண் இயக்குநா் கோப்பெருந்தேவி மற்றும் அரூா் வட்ட வேளாண்மை உற்பத்தியாளா்கள் கூட்டுறவு விற்பனைச் சங்க துணைப் பதிவாளா், மேலாண் இயக்குநா் ஜனாா்த்தனன், பொது விநியோகத் திட்ட கண்காணிப்பாளா், கூட்டுறவு சாா் பதிவாளா்கள், 550 கூட்டுறவு நியாயவிலைக் கடை விற்பனையாளா்கள் பங்கேற்றனா்.
இக் கூட்டத்தில், நியாய விலைக் கடைகளையும் தூய்மையாக வைத்துக் கொள்ள வேண்டும். அத்தியாவசியப் பொருள்களின் தரத்தை உறுதி செய்துக் கொள்ள வேண்டும். தரம் குறைவாக இருப்பின் அதனை பொது மக்களுக்கு எக்காரணம் கொண்டும் வழங்கக் கூடாது என்பன உள்ளிட்ட அறிவுரைகள், ஆலோசனைகள் வழங்கப்பட்டன.
