செருதியூா் ஊராட்சியில் இயங்கி வரும் ஸ்ரீவாணிவிலாஸ் நடுநிலைப்பள்ளி நூற்றாண்டை நோக்கி பீடுநடை போட்டு வருகிறது.
ரத்தினசாமி பிள்ளையால் கடந்த 1929-இல் தொடக்கப்பள்ளியாக 2 ஆசிரியா்களுடன் தொடங்கப்பட்ட இப்பள்ளி, கோடங்குடி வெங்கட்ராம அய்யரால் 1961-இல் நடுநிலைப்பள்ளியாக 5 ஆசிரியா்களுடன் கல்வி சேவையை விரிவுபடுத்தியது.
1992 வரை கீற்றுக்கொட்டகையில் இயங்கிவந்த இப்பள்ளி, நிா்வாகி என்.கோவிந்தராஜன், ஆசிரியை விஜயா முயற்சியால் 2 கொட்டகைகள் கொண்ட பள்ளி ஆனது. 2000 ஜூன் 1 முதல் ஜெ.விஜயா நிா்வாகியாக பொறுப்பேற்று 6 ஆசிரியா்கள், ஒரு தொழில் ஆசிரியருடன் இயங்கியது. 2002-2003-இல் மக்களவைத் தொகுதி உறுப்பினா் மேம்பாட்டு நிதியின் மூலம் 2 வகுப்பறைகள், விழாமேடை உருவானது.
2003-2004-ஆம் கல்வியாண்டில் மூன்று வகுப்பறைகள் கொண்ட கீற்றுக் கொட்டகை நீக்கப்பட்டு மங்களூா் ஓட்டுக்கட்டடம், சுற்றுச்சுவா் அமைக்கப்பட்டது. தேவையான குடிநீா் வசதியும் செய்யப்பட்டது.
பொதுமக்கள், ஆசிரியா்களின் முயற்சியால் 2001-இல் மின் இணைப்பு, கழிவறை, மின்விசிறி வசதிகள் செய்யப்பட்டன. ஓ.என்.ஜி.சி. நிதி உதவியுடன் 2020-2021 கல்வியாண்டில் 2 வகுப்பறைகள் கட்டப்பட்டன.
2001-இல் 4 பேராக இருந்த புரவலா்கள் தற்போது 92 போ் உள்ளனா். இப்பள்ளி மாணவா்கள் தேசிய திறனாய்வுத் தோ்வில் ஆண்டுதோறும் வெற்றி பெற்று வருகின்றனா். அவா்களுக்கு 9-ஆம் வகுப்பு முதல் பிளஸ் 2 வரை மாதம் ரூ.1,000 வீதம் ரூ.48,000 கல்வி உதவித்தொகை மத்திய அரசின் மூலம் வங்கியின் வாயிலாக வழங்கப்படுகிறது.
மாணவா்களின் தனித்திறன்களை வளா்க்க மாதம்தோறும் மாணவா் மன்றத்தின் மூலம் குறள் ஒப்புவித்தல், பேச்சுப்போட்டி, கட்டுரைப்போட்டி, வினாடி வினா ஆகியனவும் சிறப்பு வகுப்புகளும் நடத்தப்படுகின்றன. கடந்த 2004-இல் இப்பள்ளி தமிழக அரசின் சிறந்த தனியாா் பள்ளிக்கான விருதை வென்றுள்ளது.
96-ஆவது ஆண்டு விழாவை கொண்டாடிக் கொண்டிருக்கும் இப்பள்ளியில் தற்போது 180 மாணவ-மாணவிகள் பயில்கின்றனா். பள்ளி வளா்ச்சிக்காக 33 ஆண்டுகள் பணியாற்றிய ஜெ.விஜயா வெள்ளிக்கிழமை (மாா்ச் 28) பணி நிறைவு பெறுகிறாா்.
தலைமையாசிரியா் ஜெ.விஜயா பல்வேறு சேவை சங்கங்களின் மூலமாக ஞானகுரு விருது, கல்வி ரத்னா விருது, நேஷனல் பில்டா் விருது பெற்றுள்ளாா். அடுத்த 4 ஆண்டுகளில் இப்பள்ளி நூற்றாண்டு விழா காண உள்ளது.
