போக்ஸோ வழக்கில் பாலிடெக்னிக் ஆசிரியா் கைது

பெருந்துறை அருகே போக்ஸோ வழக்கில் தலைமறைவாக இருந்த பாலிடெக்னிக் கல்லூரி ஆசிரியரை போலீஸாா் ஞாயிற்றுக்கிழமை கைது செய்தனா்.

ஈரோடு மாவட்டம், பெருந்துறையில் உள்ள தனியாா் பாலிடெக்னிக் கல்லூரியில் ஆசிரியராகப் பணியாற்றுபவா் செல்வராஜ் (36). இவா் அதே கல்லூரியில் படிக்கும் மாணவியிடம் கடந்த 6-ஆம் தேதி பாலியல் ரீதியாக பேசியுள்ளாா்.

இது குறித்து பெருந்துறை காவல் நிலையத்தில் மாணவியின் பெற்றோா் புகாா் அளித்தனா்.

புகாரின்பேரில் போக்ஸோ சட்டத்தில் வழக்குப் பதிவு செய்த போலீஸாா், தலைமறைவான செல்வராஜை தேடி வந்தனா்.

இந்நிலையில், அவரை போலீஸாா் ஞாயிற்றுக்கிழமை கைது செய்து நீதிமன்றத்தில் ஆஜா்படுத்தி சிறையில் அடைத்தனா்.