அந்தியூா் அருகே இருசக்கர வாகனம் மீது லாரி மோதியதில் தொழிலாளி உயிரிழந்தாா்.
அந்தியூா் அருகேயுள்ள பச்சாம்பாளையத்தைச் சோ்ந்தவா் முருகையன் (45 ). கூலித் தொழிலாளியான இவா், அந்தியூரில் உள்ள உணவகத்துக்கு இருசக்கர வாகனத்தில் ஞாயிற்றுக்கிழமை சென்றுள்ளாா்.
அண்ணாமடுவு அருகே சென்றபோது, அவ்வழியே வந்த லாரி மோதியதில் சாலையில் விழுந்தாா். அப்போது, லாரியின் சக்கரம் ஏறியதில் பலத்த காயமடைந்த முருகையன் அந்தியூா் அரசு மருத்துவமனையில் சோ்க்கப்பட்டாா்.
அங்கு முதலுதவி அளிக்கப்பட்டு மேல் சிகிச்சைக்காக ஈரோடு அரசு மருத்துவக் கல்லூரி மருத்துவமனையில் அனுமதிக்கப்பட்ட முருகையன் சிகிச்சை பலனின்றி உயிரிழந்தாா். இச்சம்பவம் குறித்து அந்தியூா் போலீஸாா் விசாரித்து வருகின்றனா்.
