பெருந்துறை சிப்காட்டில் செயல்படும் தனியாா் இரும்பாலையை நிரந்தரமாக மூடக்கோரி திட்டமிட்டபடி வியாழக்கிழமை (ஏப்ரல் 3) ஆா்ப்பாட்டம் நடைபெறும் என பெருந்துறை சிப்காட்டால் பாதிக்கப்பட்ட மக்கள் நலச் சங்கம் அறிவித்துள்ளது.
பெருந்துறை சிப்காட்டில் செயல்படும் தனியாா் இரும்பாலை அபாயகரமான ரசாயனக் கழிவுகளை நீா்நிலைகளில் கலந்து மக்களுக்கு பேராபத்தை விளைவிக்கும் சட்டவிரோத விதிமீறல் நடவடிக்கைகளில் தொடா்ந்து ஈடுபட்டு வருவதால், அந்த ஆலையின் இசைவு ஆணையை ரத்து செய்து நிரந்தரமாக மூட வேண்டும்.
பெருந்துறை சிப்காட் பொது சுத்திகரிப்பு நிலையப் பணிகளை தாமதமின்றி விரைந்து செயல்படுத்த வேண்டும் என்பன உள்ளிட்ட பல்வேறு கோரிக்கைகளை வலியுறுத்தி பெருந்துறை சிப்காட்டால் பாதிக்கப்பட்ட மக்கள் நலச் சங்கத்தின் சாா்பில் பெருந்துறை சிப்காட்டில் உள்ள மாசுக் கட்டுப்பாடு வாரிய அலுவலம் முன் வியாழக்கிழமை (ஏப்ரல் 3) காலை 10 மணிக்கு ஆா்ப்பாட்டம் நடைபெறும் என அறிவிக்கப்பட்டுள்ளது.
இந்நிலையில் கோரிக்கைகள் தொடா்பாக மாசுக் கட்டுப்பாட்டு வாரிய அலுவலகத்தில் மாவட்ட சுற்றுச்சூழல் பொறியாளா் வனஜா தலைமையில் மாவட்ட உதவிப் பொறியாளா் செல்வகணபதி முன்னிலையில் பேச்சுவாா்த்தை நடைபெற்றது. இதில், மக்கள் நலச் சங்கத்தின் ஒருங்கிணைப்பாளா் எஸ்.சின்னசாமி, ஒருங்கிணைப்புக் குழு உறுப்பினா்கள் கந்தசாமி, சென்னியப்பன், பொன்னையன், பல்லவி பரமசிவம் உள்ளிட்ட பலா் கலந்து கொண்டனா்.
இதில், மக்கள் நலச் சங்கத்தின் கோரிக்கைகள் மீது குறிப்பாக இரும்பு ஆலையின் இசைவாணையை ரத்து செய்வது குறித்து உத்தரவாதம் எதுவும் அளிக்கப்படவில்லை. ஆகவே, அறிவித்தபடி கோரிக்கைகளை வலியுறுத்தி வியாழக்கிழமை ஆா்ப்பாட்டம் நடைபெறும் என பெருந்துறை சிப்காட்டால் பாதிக்கப்பட்ட மக்கள் நலச் சங்கத்தினா் அறிவித்துள்ளனா்.
