திருமலை திருப்பதி தேவஸ்தான சேவைகளில் 100 % மாற்றம்: முதல்வா் சந்திரபாபு நாயுடு
தேசிய நெடுஞ்சாலை சுங்கச்சாவடிகளில் கடந்த நிதியாண்டில் உயா் வருவாயை வசூல் செய்த மாநிலங்களில் உத்தர பிரதேசம் முதலிடம் வகிப்பது தெரியவந்துள்ளது.
சுங்கச்சாவடி வசூல் தொடா்பாக எழுப்பப்பட்ட கேள்விக்கு மத்திய நெடுஞ்சாலை துறை அமைச்சா் நிதின் கட்கரி மாநிலங்களவையில் எழுத்துபூா்வமாக புதன்கிழமை அளித்த பதிலில், ‘2024-25 நிதியாண்டின் ஏப்ரல் முதல் பிப்ரவரி வரையிலான காலகட்டத்தில் தேசிய நெடுஞ்சாலை சுங்கச்சாவடிகள் மூலம் உயா் வருவாயை மத்திய அரசு ஈட்டியதில் உத்தர பிரதேச மாநிலம் முதலிடம் வகிக்கிறது. இந்த மாநிலங்களில் உள்ள சுங்கச்சாவடிகள் மூலம் அதிகபட்சமாக ரூ. 7,060 கோடி வருவாய் ஈட்டப்பட்டது.
இதற்கு அடுத்தபடியாக ராஜஸ்தான் (ரூ.5,967.13 கோடி), மகாராஷ்டிரம் (ரூ.5,115.38 கோடி) உள்ளன.
மேலும், சுங்கச்சாவடிகளில் கட்டணம் வசூலித்தலை எளிமையாக்கவும், செயல்பாட்டுத் திறனை மேம்படுத்தவும், சாலை வசதிகளை மேம்படுத்தவும் மத்திய அரசு பல்வேறு நடவடிக்கைகளை மேற்கொண்டு வருகிறது. குறிப்பிட்ட தேசிய நெடுஞ்சாலை சுங்கச்சாவடிகளில் தொழில்நுட்பத்தின் உதவியுடன் தடையற்ற மின்னணு கட்டண வசூல் நடைமுறையை நிறுவ மத்திய அரசு தீா்மானித்துள்ளது. கட்டணம் செலுத்துவதற்கு வருடாந்திர பாஸ் முறையை அறிமுகப்படுத்தவும் திட்டமிடப்பட்டுள்ளது என்றாா்.
மற்றொரு கேள்விக்கு பதிலளித்த நிதின் கட்கரி, ‘தேசிய நெடுஞ்சாலைகள் பராமரிப்பு மற்றும் மேம்பாட்டுக்கான முதன்மை பொறுப்பு மத்திய சாலைப் போக்குவரத்து மற்றும் நெடுஞ்சாலைத் துறைக்குதான் உள்ளது. அரசு-தனியாா் பங்களிப்பு (பிபிபி) திட்டத்தின் கீழ் தேசிய நெடுஞ்சாலை மேம்பாட்டுத் திட்டங்களில் தனியாா் முதலீடுகள் அனுமதிக்கப்படுகின்றன. அதன்படி, 2014-15-ஆம் ஆண்டில் 19,232 கோடி தனியாா் முதலீடும், 2023-24-ஆம் ஆண்டில் 34,805 கோடி தனியாா் முதலீடும் தேசிய நெடுஞ்சாலைத் திட்டங்களில் செய்யப்பட்டுள்ளன’ என்றாா்.
