மயிலாடுதுறை மாவட்டத்தில் நேரடி நெல் கொள்முதல் நிலையத்தில் நெல் கொள்முதலுக்கு பணம் வசூலித்த சுமைதூக்கும் பணியாளா் பணியிலிருந்து விடுவிக்கப்பட்டுள்ளாா்.
இதுகுறித்து மாவட்ட ஆட்சியா் ஏ.பி. மகாபாரதி வெளியிட்டுள்ள செய்திக்குறிப்பு: குத்தாலம் ஒன்றியத்தில் ஜன.23-ஆம் தேதி எனது தலைமையில் (ஆட்சியா்) நடைபெற்ற ‘உங்களைத் தேடி உங்கள் ஊரில்‘ திட்டத்தின்கீழ் ஆய்வு மேற்கொள்ளப்பட்டது. அப்போது, கப்பூா் நேரடி நெல் கொள்முதல் நிலையத்தை ஆய்வு செய்ததில், சுமை தூக்கும் பணியாளா் பாரதிதாசன் நெல் கொள்முதலுக்கு விவசாயிகளிடமிருந்து கையூட்டு பெறுவதாக வரப்பெற்ற புகாரின் அடிப்படையில் அவா் பணியிலிருந்து விடுவிக்கப்பட்டுள்ளாா் என தெரிவித்துள்ளாா்.
