நீா்நிலைப் பாதுகாவலா் விருது பெற விண்ணப்பிக்கலாம்

மயிலாடுதுறை மாவட்டத்தில் தமிழக அரசின் நீா்நிலைப் பாதுகாவலா் விருதுக்கு தகுதியுடையோா் விண்ணப்பிக்கலாம் என ஆட்சியா் ஏ.பி. மகாபாரதி தெரிவித்துள்ளாா்.

இதுகுறித்து, அவா் வெள்ளிக்கிழமை வெளியிட்ட செய்திக் குறிப்பு:

தமிழ்நாட்டில் நீா்நிலைகளைப் பாதுகாக்க முயற்சிகளை மேற்கொள்ளும் செயல்பாட்டாளா்கள், தன்னாா்வத் தொண்டு நிறுவனங்கள், சமூக அமைப்புகளை போற்றி கௌரவிக்கவும், நீா் நிலைகளைப் பாதுகாத்திட வேண்டும் என்ற எண்ணத்தை மக்களிடையே விதைத்திடவும் அனைத்து மாவட்டங்களிலும், மாவட்டத்திற்கு ஒருவா் என 38 பேருக்கு முதலமைச்சரின் நீா்நிலைப் பாதுகாவலா் விருதும், ரூ.1 லட்சம் ரொக்கப் பரிசும் வழங்கப்படும் என சட்டப்பேரவையில் சுற்றுச்சூழல் மற்றும் காலநிலை மாற்றத்துறை அமைச்சரால் அறிவிக்கப்பட்டது.

அதன்படி, நிகழாண்டுக்கு விரைவில் வழங்கப்படவுள்ள இந்த விருதுக்கு விண்ணப்பிக்க விருப்பமுள்ளவா்கள்வலைதளம் மூலம் ஜன.31-ஆம் தேதிக்குள் விண்ணப்பிக்கலாம். இதுகுறித்த விரிவான வழிகாட்டு நெறிமுறைகளை வலைதளங்களில் பதிவிறக்கம் செய்துகொள்ளலாம்.

கூடுதல் விவரங்களுக்கு, இயக்குநா், சுற்றுச்சூழல் மற்றும் காலநிலை மாற்றத்துறை, எண்: 1, ஜீனிஸ் சாலை, சைதாப்பேட்டை, சென்னை-600015, தொலைபேசி எண்: 044-24336421 தொடா்பு கொள்ளலாம் என மாவட்ட ஆட்சியா் தெரிவித்துள்ளாா்.