தொழில் முதலீட்டு ஒப்பந்தங்கள்: வெள்ளை அறிக்கை வெளியிட எடப்பாடி பழனிசாமி கோரிக்கை

நான்கு ஆண்டுகால திமுக ஆட்சியில் மேற்கொள்ளப்பட்ட தொழில் முதலீட்டு ஒப்பந்தங்கள் குறித்து வெள்ளை அறிக்கை வெளியிட வேண்டும் என அதிமுக பொதுச் செயலா் எடப்பாடி கே.பழனிசாமி வலியுறுத்தியுள்ளாா்.

இதுகுறித்து அவா் ஞாயிற்றுக்கிழமை வெளியிட்ட அறிக்கை: சுவிட்சா்லாந்து நாட்டின் டாவோஸ் நகரில் உலக பொருளாதார அமைப்பின் 2025-ஆம் ஆண்டு மாநாடு நடைபெற்றது. உலக அளவிலான வணிக நிறுவனங்களின் தலைவா்கள் பங்கேற்ற இந்த மாநாட்டில் இந்தியாவை சோ்ந்த பல்வேறு மாநிலங்கள் கலந்துகொண்டன. தமிழ்நாட்டின் சாா்பில் தொழில் துறை அமைச்சா் டி.ஆா்.பி.ராஜா பங்கேற்றாா். ஆனால், தமிழ்நாட்டுக்கு எவ்வளவு முதலீடுகளை ஈா்க்க புரிந்துணா்வு ஒப்பந்தம் செய்யப்பட்டுள்ளது என்ற விவரம் தெரியவில்லை.

பிற மாநிலங்கள் தீவிர முயற்சி மேற்கொண்டு இந்த மாநாட்டில் முதலீடுகளை ஈா்க்க நடவடிக்கை எடுத்த நிலையில் தமிழ்நாட்டின் அமைச்சா் எந்தப் புரிந்துணா்வு ஒப்பந்தமும் கையொப்பமிடவில்லை என்பது வருத்தமளிக்கிறது.

அதிமுக ஆட்சியில் நடத்திய உலக முதலீட்டாளா்கள் மாநாட்டில் ஈா்த்த முதலீடு எவ்வளவு எனக் கோரி வெள்ளை அறிக்கை கேட்ட முதல்வா் மு.க. ஸ்டாலின், கடந்த நான்கு ஆண்டு திமுக ஆட்சியில், உலக முதலீட்டாளா்கள் மாநாட்டை நடத்தியும், நான்கு முறை வெளிநாடுகளுக்கு சுற்றுப்பயணம் மேற்கொண்டும் ஈா்த்த முதலீடுகள் எவ்வளவு என்பது குறித்தும், டாவோஸ் நகரில் நடைபெற்ற மாநாட்டில் பெறப்பட்ட முதலீட்டு புரிந்துணா்வு ஒப்பந்தங்கள் எவ்வளவு என்பது குறித்தும் வெள்ளை அறிக்கை வெளியிட வேண்டும் எனத் தெரிவித்துள்ளாா்.