நேற்றைய சரிவிலிருந்து மீண்ட சென்செக்ஸ், நிஃப்டி!

மும்பை: நேர்மறையான உலகளாவிய குறிப்புகளுக்கு மத்தியில், இன்றைய பங்குச் சந்தைகள் உறுதியான குறிப்பில் தொடங்கி, முன்னேறியதால் உயர்ந்து முடிந்தது. அதே வேளையில், இரண்டாவது பாதியில் முதலீட்டாளர்கள் லாபத்தை பதிவு செய்ததால் சந்தையின் உயர்வை சற்று கட்டுப்படுத்தியது.

இன்றைய காலை நேர வர்த்தகத்தில் மும்பை பங்குச் சந்தையின் குறியீட்டு எண் சென்செக்ஸ் 422.62 புள்ளிகள் உயர்ந்து 78,387.61 புள்ளிகளாக இருந்தது. தேசிய பங்குச் சந்தையின் குறியீடான நிஃப்டி 160.2 புள்ளிகள் உயர்ந்து 23,776.25 புள்ளிகளாக இருந்தது. அதே வேளையில், வர்த்தக முடிவில் மும்பை பங்குச் சந்தையின் குறியீட்டு எண் 234.12 புள்ளிகள் உயர்ந்து 78,199.11 ஆகவும், நிஃப்டி 91.85 புள்ளிகள் உயர்ந்து 23,707.90 புள்ளிகளாகவும் நிலைபெற்றது.

நிஃப்டியில் ஓஎன்ஜிசி, எஸ்பிஐ லைஃப் இன்சூரன்ஸ், டாடா மோட்டார்ஸ், ஹெச்டிஎஃப்சி லைஃப், ரிலையன்ஸ் இண்டஸ்ட்ரீஸ் உள்ளிட்ட பங்குகள் உயர்ந்தும், ஹெச்சிஎல் டெக், டிசிஎஸ், எய்ச்சர் மோட்டார்ஸ், ஹீரோ மோட்டோகார்ப், ட்ரெண்ட் உள்ளிட்ட பங்குகள் சரிந்தும் முடிந்தது.

துறைகளைப் பொறுத்தவரை, ஐடி துறையைத் தவிர, மற்ற அனைத்து துறை குறியீடுகளும் உயர்ந்து முடிந்தது. எண்ணெய் & எரிவாயு, ரியால்டி, எனர்ஜி, வங்கி, உலோகம் மற்றும் பார்மா 0.5 முதல் 1 சதவிகிதம் வரை உயர்ந்தது முடிந்தது.

மும்பை பங்குச் சந்தையில் மிட்கேப் குறியீடு 0.7 சதவிகிதமும், ஸ்மால்கேப் பங்குகள் 1.7 சதவிகிதமும் உயர்ந்தன.

ஏஜிஸ் லாஜிஸ்டிக்ஸ், பிடிசி இண்டஸ்ட்ரீஸ், ஆம்பர் எண்டர்பிரைசஸ், அபார் இண்டஸ்ட்ரீஸ், பர்ஸ்ட் சோர்ஸ் சொல்யூஷன்ஸ், கிம்ஸ், லாரஸ் லேப்ஸ், அபோட் இந்தியா, ஐடிஐ உள்ளிட்ட 130 பங்குகள் மும்பை பங்குச் சந்தையில் 52 வார உச்சத்தைத் தொட்டது.

மறுபுறம், சனோஃபி இந்தியா, பிவிஆர் ஐநாக்ஸ், கஜாரியா செராமிக்ஸ், கன்டெய்னர் கார்ப்பரேஷன், மதர்சன் சுமி வயரிங் இந்தியா, மஹிந்திரா லைஃப், நெட்வொர்க் 18, யெஸ் வங்கி, ரிலாக்ஸோ ஃபுட்வியர், அலோக் இண்டஸ்ட்ரீஸ், என்எம்டிசி ஸ்டீல் உள்ளிட்ட 100 பங்குகள் மும்பை பங்குச் சந்தையில் 52 வார சரிவை பதிவு செய்தது.

ஆசிய சந்தைகளில் சியோல் மற்றும் டோக்கியோ உயர்ந்தும், ஷாங்காய் மற்றும் ஹாங்காங் சரிந்து முடிந்தது. அமெரிக்க சந்தைகள் நேற்று (திங்கள்கிழமை) பெரும்பாலும் உயர்வுடன் முடிவடைந்தது.

அந்நிய நிறுவன முதலீட்டாளர்கள் நேற்று (திங்கள்கிழமை) அன்று ரூ.2,575.06 கோடி மதிப்புள்ள பங்குகளை விற்றுள்ளனர்.

உலகளாவிய பிரெண்ட் கச்சா எண்ணெய் பீப்பாய்க்கு 0.14 சதவிகிதம் சரிந்து 76.19 அமெரிக்க டாலராக உள்ளது.