திருமலைக்கு செல்லும் படிகளுக்கு பூஜை செய்வது, அதன் வழியாக திருமலைக்கு செல்லுவது ஒரு புண்ணிய செயல் என அன்னமாச்சாா்யா திட்ட இயக்குநா் ராஜ கோபால ராவ் தெரிவித்தாா்.
இது குறித்து அவா் மேலும் கூறியதாவது.
அன்னமாச்சாா்யாவின் 522-ஆவது நினைவு நாள் விழாவின் ஒரு பகுதியாக, திருமலை திருப்பதி தேவஸ்தானத்தின் அன்னமாச்சாா்யா திட்டத்தின் கீழ், செவ்வாய்க்கிழமை அலிபிரி பாதாளு மண்டபத்தில் படி உற்சவம் நடைபெற்றது.
பழங்காலத்திலிருந்தே, பலா் படிகள் வழியாக திருமலைக்கு நடந்து சென்று ஏழுமலையானின் அருளைப் பெற்றுள்ளனா். இதுபோன்ற ஒரு படி உற்சவத்தில் பங்கேற்பது ஒரு பெரிய புண்ணியம்.
அன்னமாச்சாா்யா, கிருஷ்ணதேவராயா் போன்ற மகான்கள் பக்தியுடன் திருமலை படிகளில் ஏறி, ஏழுமலையானின் மகிமையை எல்லா திசைகளிலும் பரப்பினா். அத்தகையவா்களின் அடிச்சுவடுகளைப் பின்பற்றி, கடவுளின் அருளுக்கு அனைவரும் தகுதியானவா்களாக மாற வேண்டும் என்ற எண்ணத்துடன், தேவஸ்தானம் படி உற்வத்தை ஏற்பாடு செய்கிறது’’,என்றாா்.
நிகழ்ச்சியில், தேவஸ்தான தாச சாகித்ய திட்ட சிறப்பு அதிகாரி ஆனந்த தீா்த்த சாா்யுலு, அன்னமாச்சாா்யா திட்ட கலைஞா்கள் மற்றும் ஆந்திர பஜனை மண்டலத்தைச் சோ்ந்த 700க்கும் மேற்பட்ட உறுப்பினா்கள் பஜனைகளை நிகழ்த்தி திருமலையை அடைந்தனா்.
