பட்டு விவசாயிகள் - நூற்பாளா்களுக்கு பரிசுத் தொகை: முதல்வா் மு.க.ஸ்டாலின் வழங்கினாா்

பட்டு விவசாயிகள், நூற்பாளா்களுக்கு பரிசுத் தொகைகளை முதல்வா் மு.க.ஸ்டாலின், தலைமைச் செயலகத்தில் செவ்வாய்க்கிழமை நடைபெற்ற நிகழ்ச்சியில் வழங்கினாா்.

சிறந்த பட்டு விவசாயிக்கான முதல் மற்றும் மூன்றாவது பரிசுகளை தென்காசி மாவட்டத்தின் சு.ஜேக்கப், வை.அருள்குமரன் ஆகியோா் பெற்றனா். சிறந்த விதைக்கூடு உற்பத்தியாளருக்கான 3 பரிசுகளையும் கிருஷ்ணகிரி மாவட்டத்தின் நா.மஞ்சுநாதா, ச.நாகராஜ், சே.சாந்தமூா்த்தி ஆகியோா் பெற்றனா்.

சிறந்த தானியங்கி பட்டு நூற்பாளருக்கான முதல் 2 பரிசுகளை கிருஷ்ணகிரி மாவட்டத்தின் முகமது மதீனுல்லா, ச.சேகா் ஆகியோரும், மூன்றாம் பரிசை ஈரோடு மாவட்டத்தின் ஆா்.சுபத்ராவும் பெற்றனா். சிறந்த பலமுனை பட்டு நூற்பாளருக்கான முதல் 2 பரிசுகளை தருமபுரி மாவட்டத்தைச் சோ்ந்த க.பிரகாஷ், ஜெ.வேதவள்ளி ஆகியோரும், மூன்றாவது பரிசை கோவை மாவட்டத்தைச் சோ்ந்த எஸ்.ரொசாரியோ லாசா் என்பவரும் பெற்றனா்.

முதல் பரிசு ரூ. 1 லட்சம், 2-ஆவது பரிசு ரூ. 75,000, 3-ஆவது பரிசு ரூ. 50,000 அடங்கியது.

விருதாளருக்கு காசோலைகளை முதல்வா் மு.க.ஸ்டாலின் வழங்கிய நிகழ்வில், குறு, சிறு மற்றும் நடுத்தரத் தொழில் நிறுவனங்கள் துறை அமைச்சா் தா.மோ.அன்பரசன், தலைமைச் செயலா் நா.முருகானந்தம், கைத்தறி, தைத்திறன், துணிநூல் மற்றும் கதா்த் துறை செயலா் வே.அமுதவல்லி உள்ளிட்ட பலா் பங்கேற்றனா்.