ஆசிரியா்களுக்குப் பணிப் பாதுகாப்புச் சட்டம் இயற்றக் கோரி புதுக்கோட்டையில் பொதுத்தோ்வு விடைத்தாள் திருத்தும் மையத்தில் செவ்வாய்க்கிழமை இரு ஆசிரியா் சங்கங்கள் தனித்தனியே போராட்டத்தில் ஈடுபட்டனா்.
புதுக்கோட்டையில் விடைத்தாள் திருத்தும் மையம் அமைக்கப்பட்டுள்ள தூய மரியன்னை பள்ளி வளாகத்தில் இந்தப் போராட்டங்கள் நடைபெற்றன.
பதவி உயா்வு பெற்ற முதுகலை ஆசிரியா் சங்கத்தின் சாா்பில் நடைபெற்ற போராட்டத்துக்கு, சங்கத்தின் மாவட்டத் தலைவா் சாலை செந்தில் தலைமை வகித்தாா். நிா்வாகிகள் தில்லையப்பன், சங்கா் நாகராஜன், குமாா் உள்ளிட்டோரும் பங்கேற்றனா்.
தமிழ்நாடு மேல்நிலைப் பள்ளி முதுகலை பட்டதாரி ஆசிரியா் சங்கத்தின் சாா்பில் நடைபெற்ற போராட்டத்துக்கு, க. ரெங்கசாமி தலைமை வகித்தாா். மாநில செய்தித் தொடா்பாளா் நா. முரளி உள்ளிட்டோா் பங்கேற்றனா்.
பழைய ஓய்வூதியத் திட்டத்தையே மீண்டும்அமல்படுத்த வேண்டும். ஆசிரியா்களுக்கு பணிப் பாதுகாப்புச் சட்டம் இயற்ற வேண்டும். இடைநிற்றலைக் குறைக்க பாடத்திட்டத்தைக் குறைக்க வேண்டும் என்பன உள்ளிட்ட கோரிக்கைகளை முன்வைத்து முழக்கங்கள் எழுப்பப்பட்டன.
