குன்றத்தூா் ஒன்றியம், பரணிபுத்தூா் ஊராட்சியில் நடைபெற்ற சிறப்பு கிராம சபைக் கூட்டத்தில் அமைச்சா் தா.மோ.அன்பரசன், ஸ்ரீபெரும்புதூா் நாடாளுமன்ற உறுப்பினா் டி.ஆா்.பாலு ஆகியோா் கலந்து கொண்டு தூய்மை பணியாளா்களுக்கு சீருடை வழங்கி கெளரவித்தனா்.
ஊராட்சி ஒன்றிய தொடக்கப்பள்ளி வளாகத்தில் வியாழக்கிழமை நடைபெற்ற கூட்டத்துக்கு ஆட்சியா் கலைச்செல்விமோகன் தலைமை வகித்தாா். இதில், சிறு, குறு நடுத்தர தொழில் நிறுவனங்கள் துறை அமைச்சா் தா.மோ.அன்பரசன், டி.ஆா்.பாலு எம்.பி. ஆகியோா் சிறப்பு அழைப்பாளா்களாக கலந்து கொண்டனா்.
கூட்டத்தில் 2024-2025 நிதியாண்டில் மேற்கொள்ளப்பட்ட பணிகள் மற்றும் நிா்வாக பணிகள் குறித்த பதிவேடு பொதுமக்கள் முன்னிலையில் பாா்வைக்காக வைக்கப்பட்டு, ஊராட்சியில் மேற்கொள்ள வேண்டிய பணிகள் குறித்து 19 தீா்மானங்கள் ஒரு மனதாக ஏற்றுக்கொள்ளப்பட்டது. இதையடுத்து தொழிலாளா் தினத்தை முன்னிட்டு, தூய்மை பணியாளா்களுக்கு அமைச்சா் தா.மோ. அன்பரசன் பொன்னாடை போா்த்தி, பரிசுகள் வழங்கி கௌரவித்தாா்.
கூட்டத்தில், ஊரக வளா்ச்சி முகமை திட்ட இயக்குநா் க.ஆா்த்தி, மாவட்ட ஊராட்சித் தலைவா் படப்பை ஆ.மனோகரன், குன்றத்தூா் ஒன்றியக்குழு தலைவா் சரஸ்வதி மனோகரன், ஊராட்சி மன்றத் தலைவா் கௌரி தாமோதரன், அரசு அலுவலா்கள், உள்ளாட்சி பிரதிநிதிகள் மற்றும் பொதுமக்கள் கலந்து கொண்டனா்.
