வீரவநல்லூரில் குடிநீா் திட்ட ஊழியா் மின்சாரம் பாய்ந்து உயிரிழப்பு
பல்லடம்- உடுமலை வழித்தடத்தில் கூடுதல் பேருந்துகள் இயக்க அரசுக்கு கோரிக்கை விடுக்கப்பட்டுள்ளது.
பல்லடம் - உடுமலைப்பேட்டை வழித்தடத்தில், பல்லடம் நகரம் மற்றும் சுமாா் 50- க்கும் அதிகமான கிராமங்கள் அமைந்துள்ளன. நுாற்பாலைகள், பனியன் நிறுவனங்கள் உள்ளிட்ட பல்வேறு தொழிற்சாலைகளுக்கு, இங்குள்ள கிராமங்களில் இருந்து நாள்தோறும் ஆயிரக்கணக்கான மக்கள் திருப்பூா், பல்லடத்துக்கு செல்கின்றனா்.
இந்த வழித்தடத்தில் உள்ள கிராமங்களுக்கு நகரப் பேருந்து வசதி குறைவாகவே உள்ளது. இடைபட்ட பகுதியிலுள்ள அரசுப் பள்ளிகளுக்கு செல்லும் மாணவா்களும், திருப்பூா் பேருந்துகளிலேயே பயணிக்க வேண்டியுள்ளது. திருப்பூா் மாவட்டமாக தரம் உயா்த்தப்பட்ட பிறகு ஆட்சியா் அலுவலகம் உள்ளிட்ட அரசுப் பணிகளுக்கு பொதுமக்களும், அலுவலா்களும் இந்த வழியாக திருப்பூருக்கு சென்று வருகின்றனா்.
இவ்வாறு தொழில், கல்வி, நிா்வாக முக்கியத்துவம் வாய்ந்த வழித்தடமாக இருப்பதால் பல்லடம் - உடுமலைப்பேட்டை சாலை மாநில நெடுஞ்சாலையாக தரம் உயா்த்தப்பட்டு விரிவாக்கம் செய்யப்பட்டது. ஆனால், போதுமான அளவு பேருந்துகள் இயக்கப்படுவதில்லை.
பொதுமக்களின் தொடா்ந்து விடுத்த கோரிக்கையின் அடிப்படையில், உடுமலையில் இருந்து பாயின்ட் டூ பாயின்ட் பேருந்துகள் மட்டும் திருப்பூருக்கு இயக்கப்பட்டுள்ளன. இந்தப் பேருந்துகள் உடுமலைப்பேட்டை பேருந்து நிலையம், குடிமங்கலம், ஜல்லிபட்டி, பல்லடம் பேருந்து நிலையம் ஆகிய இடங்களில் மட்டும் நிறுத்தப்படும்.
இதனால் உடுமலைப்பேட்டையில் இருந்து திருப்பூா் செல்பவா்கள் பயன் அடைந்தாலும், பல்லடம் வழித்தட கிராமங்களை சோ்ந்தவா்களுக்கு போதிய பேருந்து வசதி கிடைக்கவில்லை. எனவே காலை, மாலை நேரங்களில், பல்லடம் செல்வதற்கு போதிய பேருந்து வசதி இல்லாததால் பொதுமக்கள் மிகவும் சிரமப்படுகின்றனா். குறிப்பாக, மாணவா்கள், தொழிலாளா்கள் நாள்தோறும் பல்வேறு சிரமங்களை சந்தித்து வருகின்றனா். இதனால் பல்லடம் - உடுமலைப்பேட்டை வழித்தடத்தில் கூடுதல் பேருந்துகள் இயக்க நடவடிக்கை எடுக்க வேண்டும்.
உடுமலைப்பேட்டையில் இருந்து திருப்பூருக்கு இரவு 9.50 மணிக்கு கடைசி பேருந்து இயக்கப்படும். இதனை தவறவிட்டால் அடுத்த நாள் அதிகாலைதான் பேருந்து வசதி உள்ளது. எனவே இரவு நேரத்தில் மற்றொரு பேருந்து இயக்க அரசு நடவடிக்கை எடுக்க வேண்டும் என்று பொதுமக்கள் எதிா்பாா்க்கின்றனா்.
