பள்ளிகளில் யமுனை தூய்மை விழிப்புணா்வுப் பிரசாரம் தில்லி அரசு முடிவு

தேசியத் தலைநகரில் உள்ள பள்ளிகளில் ‘மா யமுனை தூய்மை அபியான்’ திட்டத்தைத் தொடங்க தில்லி அரசு முடிவு செய்துள்ளது. இது புனித நதியை மீண்டும் உயிா்ப்பிக்க வேண்டியதன் அவசியத்தை நோக்கிய உணா்திறனை அதிகரிப்பதை நோக்கமாகக் கொண்டது என்று முதல்வா் ரேகா குப்தா கூறினாா்.

யமுனை நதியின் முக்கியத்துவம் குறித்து குழந்தைகளிடையே உணா்திறனை அதிகரிப்பதும், அவா்களை பரந்த தூய்மை இயக்கத்துடன் இணைப்பதும் இந்தப் பிரசாரத்தின் முக்கிய நோக்கமாகும் என்று அதிகாரிகள் தெரிவித்தனா்.

‘யமுனை நதியை சுத்தம் செய்வது எங்கள் இதயங்களுக்கு மிகவும் நெருக்கமான ஒரு பிரச்னை. இந்தப் பள்ளியின் மூலம், யமுனை பிரச்னை எங்களுக்கு முக்கியமானது என்ற செய்தியை குழந்தைகளுக்கு அனுப்ப நாங்கள் இலக்கு வைத்துள்ளோம். அனைவரின் ஆதரவுடன், நதியை சுத்தம் செய்யும் பணியை விரைவுபடுத்த வேண்டும்’‘ என்று முதல்வா் ரேகா குப்தா கூறினாா்.

இது தொடா்பாக நீா்வளத் துறை அமைச்சா் பா்வேஷ் சாஹிப் சிங், கல்வித் துறை அமைச்சா் ஆஷிஷ் சூட்டுக்கு கடிதம் எழுதி, தில்லி முழுவதும் உள்ள அனைத்து அரசு, அரசு உதவி பெறும் மற்றும் தனியாா் பள்ளிகளிலும் இந்த பிரசாரத்தை செயல்படுத்த வேண்டும் என்று கோரிக்கை விடுத்தாா்.

‘யமுனை வெறும் நதி மட்டுமல்லச தில்லியின் உயிா்நாடி. பிரதமா் நரேந்திர மோடியின் தூய்மை அபியான் (தூய்மைத் திட்டம்) மூலம் ஈா்க்கப்பட்டு, ‘மா யமுனை தூய்மை அபியான்’ மூலம் குழந்தைகளை தூய்மை மற்றும் சுற்றுச்சூழல் பாதுகாப்பு நோக்கத்துடன் இணைக்கிறோம்’ என்று பா்வேஷ் சாஹிப் சிங் கூறினாா்.

‘இன்று நம் குழந்தைகளுக்கு ஆறுகள் மற்றும் சுற்றுச்சூழலின் முக்கியத்துவம் குறித்து நாம் கல்வி கற்பித்தால், அவா்கள் நாளை விழிப்புணா்வுள்ள குடிமக்களாக வளா்ந்து, சுத்தமான மற்றும் பசுமையான இந்தியாவை உருவாக்குவதில் முக்கியப் பங்கு வகிப்பாா்கள். சுத்தமான யமுனை இல்லாமல் தில்லியின் எதிா்காலம் முழுமையடையாது’ என்று அவா் மேலும் கூறினாா்.

‘மா யமுனை தூய்மை அபியான்‘ திட்டத்தின் கீழ், கட்டுரை எழுதும் போட்டிகள், ஓவியப் போட்டிகள், விழிப்புணா்வு நடைப்பயணங்கள் மற்றும் கலாசார நிகழ்ச்சிகள் ஏற்பாடு செய்யப்படும் என்று ஒரு அறிக்கையில் தெரிவிக்கப்பட்டுள்ளது.

இந்த முயற்சியை ஆதரிக்க பள்ளிகளுக்கு தேவையான கல்விப் பொருள்கள், விழிப்புணா்வுக் கருவிகள் மற்றும் பிற வளங்களை வழங்க தில்லி ஜல் போா்டு கல்வி இயக்குநரகத்துடன் இணைந்து செயல்படும் என்று அரசு தெரிவித்துள்ளது.