கீழையூரில் அம்பேத்கரின் பிறந்த நாள் ரத ஊா்வலம்

கீழையூா் அருகே சீராவட்டம் பகுதியில் சட்டமேதை டாக்டா் அம்பேத்கரின் 134-ஆவது பிறந்தநாளை முன்னிட்டு விசிக சாா்பில் ரத ஊா்வலம் சனிக்கிழமை நடைபெற்றது.

அக்கட்சியின் சட்டப்பேரவைத் தொகுதி அமைப்பாளா் ஆ. பாமரன் பகவத்சிங் தலைமையில் நடைபெற்ற ஊா்வலத்தில், மாநில துணைச் செயலாளா் (தொ.வி.மு) தமிழ்பாண்டியன் , கீழையூா் மேற்கு ஒன்றிய செயலாளா் பூ. சுந்தர்ராஜ் உள்ளிட்டோா் பங்கேற்றனா்.

மண்டல அமைப்பு செயலாளா் வேலு. குபேந்திரன் ரத ஊா்வலத்தை தொடக்கிவைத்தாா். சீராவட்டம் பாலத்திலிருந்து கீழையூா் கடைத்தெரு வரை சுமாா் 4 கி.மீ தொலைவு ஊா்வலம் நடைபெற்றது. மாவட்ட பொருளாளா் ப. கதிா்நிலவன், மாவட்ட துணை செயலாளா் அரா. பேரறிவாளன் உள்ளிட்டோா் பங்கேற்றனா்.