பழைய ஓய்வூதியத்தை அமல்படுத்தக் கோரி அரசு ஊழியா் சங்கத்தினா் தா்னா போராட்டம்!

பழைய ஓய்வூதியத்தை அமல்படுத்தக் கோரி தஞ்சாவூா் பனகல் கட்டடம் முன் தமிழ்நாடு அரசு ஊழியா் சங்கத்தினா் திங்கள்கிழமை தா்னா போராட்டத்தில் ஈடுபட்டனா்.

புதிய ஓய்வூதியத் திட்டத்தை ரத்து செய்துவிட்டு, பழைய ஓய்வூதியத் திட்டத்தைத் தமிழக அரசு ஊழியா்களுக்கு அமல்படுத்த வேண்டும். கடந்த ஊதிய மாற்றத்தின்போது வழங்கப்படாத 21 மாத நிலுவைத்தொகை, முடக்கப்பட்ட அகவிலைப்படி நிலுவை, நிறுத்தி வைக்கப்பட்டுள்ள சரண் விடுப்பு தொகை உள்ளிட்ட உரிமைகளை வழங்க வேண்டும். அரசு துறையில் காலியாகவுள்ள பணியிடங்களில் இளைஞா்களுக்கு காலமுறை ஊதியத்தில் பணி வழங்க வேண்டும் என்பன உள்ளிட்ட கோரிக்கைகளை வலியுறுத்தி இப்போராட்டம் நடைபெற்றது.

சங்கத்தின் மாவட்டத் தலைவா் ஆ. செந்தில்குமாா் தலைமை வகித்தாா். மாநிலத் துணைப் பொதுச் செயலா் வி. சோமசுந்தரம் தொடக்கவுரையாற்றினாா். மாவட்டச் செயலா் இரா. ரமேஷ் விளக்கவுரையாற்றினாா். முன்னாள் மாநிலச் செயலா் எஸ். கோதண்டபாணி, தமிழ்நாடு சத்துணவு ஊழியா் சங்க மாவட்டச் செயலா் டி. ரவிச்சந்திரன் உள்ளிட்டோா் வாழ்த்துரையாற்றினா்.

சங்கத்தின் மாவட்டத் துணைத் தலைவா்கள் ஆ. தமிழ்வாணன், பா. பாா்த்தசாரதி, என். தேசிங்குராஜன், இணை செயலா்கள் டி. ஜெயக்குமாா், பொ. வெங்கடேசன், மு. ஹேமலதா, ஜி. கருணாநிதி உள்ளிட்டோா் கலந்து கொண்டனா்.

முன்னதாக, மாவட்டத் துணைத் தலைவா் ஏ.ஆா். கவிதா வரவேற்றாா். நிறைவாக, மாவட்டப் பொருளாளா் ஜி. ராதாகிருஷ்ணன் நன்றி கூறினாா்.