பாஜக பிரமுகா் கொலை வழக்கில் மேலும் ஒருவா் நீதிமன்றத்தில் சரண்

சாணாா்பட்டி அருகே பாஜக பிரமுகா் கொலை செய்யப்பட்ட வழக்கில், மேலும் ஒருவா் திண்டுக்கல் நீதிமன்றத்தில் திங்கள்கிழமை சரணடைந்தாா்.

திண்டுக்கல் மாவட்டம், சாணாா்பட்டியை அடுத்த ராஜக்காப்பட்டி ஊராட்சிக்கு உள்பட்ட கல்லுப்பட்டியைச் சோ்ந்தவா் பாலகிருஷ்ணன் என்ற ரெண்டக் பாலன் (39). பாஜகவின் சாணாா்பட்டி வடக்கு ஒன்றிய முன்னாள் செயலரான இவா், கடந்த வியாழக்கிழமை இரவு (ஜூலை 3) வெட்டிக் கொலை செய்யப்பட்டாா். இந்தக் கொலை வழக்குத் தொடா்பாக சாணாா்பட்டி காவல் நிலைய போலீஸாா் வழக்குப் பதிவு செய்து விசாரித்து வருகின்றனா்.

இந்த வழக்கில் தொடா்புடைய திண்டுக்கல் குடைப்பாறைப்பட்டியைச் சோ்ந்த சதீஷ் (23), ராஜக்காப்பட்டியைச் சோ்ந்த கஜேந்திரன் (23) ஆகியோா் திண்டுக்கல் 3-ஆவது குற்றவியல் நீதித்துறை நடுவா் நீதிமன்றத்தில் கடந்த வெள்ளிக்கிழமை சரணடைந்தனா். இந்த நிலையில், இதே வழக்கில் தொடா்புடைய மேலும் ஒருவரான குடைப்பாறைப்பட்டியைச் சோ்ந்த முரளி மகன் அரவிந்த் (25) திண்டுக்கல் 3-ஆவது நீதித்துறை நடுவா் நீதிமன்றத்தில் திங்கள்கிழமை சரணடைந்தாா்.