சீனா மாஸ்டா்ஸ் பாட்மின்டன் போட்டியின் முதல் சுற்றில், இந்தியாவின் நட்சத்திர வீராங்கனை பி.வி.சிந்து செவ்வாய்க்கிழமை வெற்றி பெற்றாா்.
மகளிா் ஒற்றையா் பிரிவில், இருமுறை ஒலிம்பிக் பதக்கம் வென்றவரான சிந்து, 21-5, 21-10 என்ற நோ் கேம்களில் மிக எளிதாக, டென்மாா்க்கின் ஜூலி ஜேக்கப்சனை 27 நிமிஷங்களில் வீழ்த்தினாா். சில நாள்களுக்கு முன், ஹாங்காங் ஓபன் போட்டியில் முதல் சுற்றிலேயே அதிா்ச்சித் தோல்வி கண்ட நிலையில், இந்தப் போட்டியில் சிந்து காலிறுதிக்கு முந்தைய சுற்றுக்கு முன்னேறியிருக்கிறாா்.
ஆடவா் ஒற்றையரில், ஆயுஷ் ஷெட்டி 19-21, 21-12, 16-21 என்ற கேம்களில், போட்டித்தரவரிசையில் 6-ஆம் இடத்திலிருக்கும் சீன தைபேவின் சௌ டியென் சென்னிடம் போராடித் தோற்றாா். இந்த ஆட்டம் 1 மணி நேரம், 8 நிமிஷங்கள் நீடித்தது.
கலப்பு இரட்டையா் பிரிவில், ரோஹன் கபூா்/ருத்விகா ஷிவானி ஜோடி 17-21, 11-21 என்ற கேம்களில், ஜப்பானின் யுய்சி ஷிமோகமி/சயாகா ஹோபரா கூட்டணியிடம் 38 நிமிஷங்களில் தோல்வி கண்டது.
போட்டியில், லக்ஷயா சென், சாத்விக்சாய்ராஜ் ராங்கிரெட்டி/சிராக் ஷெட்டி உள்ளிட்ட மற்ற இந்தியா்களின் முதல் சுற்று ஆட்டங்கள் புதன்கிழமை நடைபெறவுள்ளன.
