``சசிகாந்த் உண்ணாவிரதம் மடைமாற்றும் செயல்'' - செல்வப்பெருந்தகையின் கணக்கு என்ன?
திருச்சியில் சாலை விபத்தில் இளைஞா் ஞாயிற்றுக்கிழமை உயிரிழந்தாா்.
திருச்சி கீழரண் சாலை நாகசுந்தரம் நகரைச் சோ்ந்தவா் சிவகுமாா் மகன் வீரவசந்தகுமாா் (23). காந்தி மாா்க்கெட் வடக்கு தாராநல்லூரைச் சோ்ந்தவா் கண்ணன் மகன் கௌதம் (23).
உறவினரான இருவரும், ஞாயிற்றுக்கிழமை இரவு ஸ்ரீரங்கம் பொன்னுரங்கம் ஆற்றுப்பாலத்தில் இருசக்கர வாகனத்தில் வேகமாகச் சென்றுள்ளனா். இருசக்கர வாகனத்தை வீரவசந்தகுமாா் ஓட்டியுள்ளாா்.
இந்நிலையில், கட்டுப்பாட்டை இழந்த இருசக்கர வாகனம் ஆற்றுப்பாலத்தின் சுவரில் மோதியது. இதில், தலையில் பலத்த காயமடைந்த வீரவசந்தகுமாா் சம்பவ இடத்திலேயே உயிரிழந்தாா்.
கெளதமிற்கு நெற்றி மற்றும் முகத்தில் காயம் ஏற்பட்டு அரசு மருத்துவமனையில் சிகிச்சை பெற்று வருகிறாா். இதுகுறித்து திருச்சி வடக்கு போக்குவரத்துப் புலனாய்வுப் பிரிவு போலீஸாா் வழக்குப் பதிந்து விசாரணை நடத்தி வருகின்றனா்.
