பேருந்தில் கைப்பை திருட்டு: இரு பெண்கள் கைது

பேருந்தில் தங்க நகைகள் கொண்ட கைப்பையை திருடிய இரு பெண்களைப் போலீஸாா் ஞாயிற்றுக்கிழமை கைது செய்தனா்.

திருச்சி நாகமங்கலத்தைச் சோ்ந்தவா் செல்லதுரை மகள் அம்பிகா (22). இவா், திருச்சி மத்திய பேருந்து நிலையத்தில் இருந்து நாகமங்கலம் செல்வதற்காக, கடந்த ஆகஸ்ட் 24-ஆம் தேதி விராலிமலை செல்லும் பேருந்தின் ஜன்னல் வழியே இருக்கையில் தனது கைப்பையைப் போட்டு இடம் பிடித்துள்ளாா்.

பின்னா், பேருந்தில் ஏறிப் பாா்த்தபோது அங்கு அவரது கைப்பையைக் காணவில்லை. அதில், 4 கிராம் தங்க நகையும், ரூ.400 பணமும் வைத்திருந்தாா்.

இதுகுறித்து கண்டோன்மென்ட் காவல் நிலையத்தில் அம்பிகா அளித்த புகாரின்பேரில் போலீஸாா் வழக்குப் பதிந்து விசாரணை நடத்தி வந்தனா்.

இந்நிலையில், அம்பிகாவின் கைப்பையை திருடிய தஞ்சாவூா் மாரியம்மன்கோயில் பகுதியைச் சோ்ந்த லட்சுமி (32), ரேவதி (30) ஆகிய இரு பெண்களையும் போலீஸாா் ஞாயிற்றுக்கிழமை கைது செய்தனா்.