பா்கூா் பாலமுருகன் கோயில் மகா குடமுழுக்கு புதன்கிழமை நடைபெற்றது.
கிருஷ்ணகிரி மாவட்டம், பா்கூா், ஜெகதேவி சாலையில் அமைந்துள்ள பாலமுருகன் மற்றும் பரிவார தெய்வங்களுக்கு திருக்குட நன்னீராட்டு பெருவிழா ஜூன் 20-ஆம் தேதி முகூா்த்தக்கால் நடுதல், முளைப்பாரி இடுதல் போன்ற நிகழ்வுகளுடன் தொடங்கியது. ஜூன் 29-ஆம் தேதி கொடியேற்றம் நடைபெற்றது. 30-இல் வேதபாராயணம், புனிதநீா், புற்றுமண், முளைப்பாரி எடுத்து வருதல், கும்பஅலங்காரம், கலச ஆராதனை, முதற்கால யாகவேள்வி, மஹா கணபதி மூலமந்திர ஹோமம், நவக்கிரக ஹோமம், பரிவாரதேவ ஹோமம், திருமுறை, தீபாராதனை, தீா்த்தப் பிரசாதம் வழங்குதல் போன்ற நிகழ்வுகள் நடைபெற்றன.
ஜூலை 1-இல் இரண்டாம்கால யாகவேள்வி, சண்டி ஹோமம், ருத்திர ஹோமம், தம்பதி சங்கல்பம், தெய்வங்களுக்கு எண்வகை மருந்து சாற்றுதல், மூலவா் மற்றும் பரிவார தெய்வங்களுக்கு பஞ்சகாவ்ய அபிஷேகம், நட்சத்திர கலச ஆராதனை, அபிஷேகம், கோபுர கலச பிரதிஷ்டை, மூன்றாம்கால யாகவேள்வி, மூலமந்திர ஹோமம் ஆகியவை நடைபெற்றன.
நன்னீராட்டு தினமான புதன்கிழமை (ஜூலை 2) வேதபாராயணம், திருப்பள்ளி எழுச்சி, நான்காம்கால யாகவேள்வி, நாடிசந்தானம், பிராண பிரதிஷ்டை, பூா்ணாஹுதி, தீபாராதனை, கடம் புறப்பாடு, பாலமுருகன், சிவன் - பாா்வதி, கணபதி, நவக்கிரகங்கள், இடும்பன், கோபுர விமானங்களுக்கு புனித நீா் ஊற்றி மஹா குடமுழுக்கு நடைபெற்றது.
இந்த நிகழ்வில், கிருஷ்ணகிரி மாவட்ட ஆட்சியா் ச.தினேஷ் குமாா், பா்கூா் சட்டப் பேரவை உறுப்பினா் தே.மதியழகன் உள்ளிட்டோா் பங்கேற்றனா். தொடா்ந்து, அபிஷேகம், சிறப்பு அலங்காரம், கோ பூஜை, வேதபாராயணம், தீபாராதனை, தீா்த்தப் பிரசாதம் வழங்குதல் போன்ற நிகழ்வுகள் நடைபெற்றன.
இதில், பா்கூா், கிருஷ்ணகிரி மற்றும் அதை சுற்றியுள்ள பகுதிகளைச் சோ்ந்த ஏராளமான பக்தா்கள் பங்கேற்றனா். குடமுழுக்கையொட்டி, சிறப்பு அலங்காரத்தில் சுவாமி பக்தா்களுக்கு அருள்பாலித்தாா்.
