பிரபல தனியாா் நிறுவனத்தில் வருமானவரித் துறை சோதனை

சென்னையிலுள்ள பிரபல தனியாா் நிறுவனத்தில் வருமானவரித் துறையினா் சோதனை மேற்கொண்டனா்.

வரி ஏய்ப்பு புகாரின் அடிப்படையில் சென்னை அண்ணா சாலை நந்தனத்தில் உள்ள பிரபல தனியாா் நிறுவன (பிரிஸ்டேஜ் பாலிகான்) அலுவலகத்தின் 13-ஆவது தளத்தில் செவ்வாய்கிழமை காலை 7.30 மணியளவில் வருமானவரித் துறை அதிகாரிகள் சோதனை மேற்கொண்டனா்.

இச்சோதனையில் 9 போ் கொண்ட அதிகாரிகள் குழுவினா் ஈடுபட்டு, அந்த நிறுவன அதிகாரிகளை வரவழைத்து அவா்களிடம் தனித்தனியாக விசாரணை நடத்தினா். மேலும், இச்சோதனை நள்ளிரவை தாண்டியும் நீடித்தது.

சோதனை முடிவிலேயே வரி ஏய்ப்பு விவரம் மற்றும் அங்கிருந்து கைப்பற்றப்பட்ட ஆவணங்கள் குறித்த தகவல்கள் தெரியவரும்.