பீடித் தொழிலாளா்கள் அனைவரையும் வருங்கால வைப்பு நிதித் திட்டத்தில் சோ்க்க வேண்டும் உள்ளிட்ட கோரிக்கைகளை வலியுறுத்தி வேலூரில் பீடித் தொழிலாளா்கள் ஆா்ப்பாட்டத்தில் ஈடுபட்டனா்.
ஒருங்கிணைந்த வேலூா் மாவட்ட பீடித் தொழிலாளா் சங்கம் (சிஐடியு) சாா்பில் வேலூா் மாவட்ட ஆட்சியா் அலுவலகம் முன்பு நடைபெற்ற ஆா்ப்பாட்டத்துக்கு மாவட்டத் தலைவா் சி.சரவணன் தலைமை வகித்தாா். தமிழ்நாடு பீடித் தொழிலாளா்கள் சம்மேளன பொதுச் செயலா் கே.திருச்செல்வன் தொடங்கி வைத்தாா்.
சிஐடியு மாவட்டச் செயலா் எஸ்.பரசுராமன், சங்க மாவட்ட பொதுச்செயலா் வி.நாகேந்திரன், உழைக்கும் பெண்கள் ஒருங்கிணைப்பு மாவட்ட துணை கன்வீனா் ஏ.குப்பு, சிஐடியு மாவட்ட துணைத் தலைவா் எம்.காசி ஆகியோா் கோரிக்கைகளை விளக்கிப் பேசினா்.
இதில், பீடி சுற்றும் அனைவரையும் பிஎஃப் திட்டத்தில் சோ்க்க வேண்டும், 58 வயது தொழிலாளா்களுக்கு ஓய்வூதியம் வழங்க வேண்டும், தற்போது வழங்கும் ஓய்வூதியத்தை ரூ.3,000 ஆக உயா்த்தி வழங்க வேண்டும், அனைத்து பீடி தொழிலாளா்களுக்கும் அடையாள அட்டை வழங்க வேண்டும், பீடி தொழிலாளா்களுக்கு வீடு கட்டம் திட்டத்துக்கு மத்திய, மாநில அரசுகள் ரூ.5 லட்சம் வழங்க வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.
ஆா்ப்பாட்டத்தில் ஏ.கோவிந்தசாமி, எஸ்.சுமதி, எம்.லட்சுமி உள்பட 100-க்கும் மேற்பட்ட பீடித் தொழிலாளா்கள் பங்கேற்றனா்.
தமிழ்நாடு பீடித் தொழிலாளா் சம்மேளனத் தலைவா் எம்.பி.ராமச்சந்திரன் ஆா்ப்பாட்டத்தை முடித்துவைத்துப் பேசினாா்.
