கபிலா்மலை தெற்கு ஒன்றியத்துக்கு உள்பட்ட பிலிக்கல்பாளையம் ஊராட்சி சாணாா்பாளையம் கிராமத்தில் பரமத்தி வேலூா் சட்டப்பேரவைத் தொகுதி உறுப்பினா் தெகுதி மேம்பாட்டு நிதியிலிருந்து ரூ. 12.45 லட்சம் மதிப்பீட்டில் கட்டப்பட்ட நியாயவிலைக் கட்டடம் திறப்பு விழா அன்மையில் நடைபெற்றது.
இந்த விழாவுக்கு சட்டப்பேரவை உறுப்பினா் எஸ்.சேகா் தலைமை வகித்தாா். கபிலா்மலை ஊராட்சி ஒன்றிய முன்னாள் தலைவா் ஜே.பி.ரவி, வெங்கரை பேரூராட்சி மன்றத் தலைவா் விஜயகுமாா் ஆகியோா் முன்னிலை வகித்தனா். பிலிக்கல்பாளையம் முன்னாள் ஊராட்சி மன்றத் தலைவா் மணிமேகலை லோகநாதன் வரவேற்றாா்.
முன்னாள் அமைச்சரும், நாமக்கல் மாவட்ட அதிமுக செயலாளருமான பி.தங்கமணி சிறப்பு விருந்தினராக கலந்துகொண்டு புதிய நியாயவிலைக் கட்டடத்தை திறந்துவைத்து, பொதுமக்களுக்கு ரேஷன் பொருள்களை வழங்கினாா்.
இந்நிகழ்ச்சியில் மாவட்ட, ஒன்றிய, கிளை பொறுப்பாளா்கள், மகளிா் அணி பொறுப்பாளா்கள், பொதுமக்கள் கலந்துகொண்டனா்.
