காவல் நிலையங்களில் சனிக்கிழமை அளிக்கப்பட்ட 33 புகாா்களுக்கு உடனடி நடவடிக்கை எடுக்கப்பட்டுள்ளதாக புதுச்சேரி சட்டம்-ஒழுங்கு முதுநிலை காவல் கண்காணிப்பாளா் ஆா். கலைவாணன் கூறியுள்ளாா்.
புதுச்சேரியில் உள்ள பல்வேறு காவல் நிலையங்களில் மக்கள் குறைதீா் நாள் சனிக்கிழமை நடந்தது. இக் கூட்டத்தில் பொதுமக்களின் குறைகளை நிவா்த்தி செய்வதற்கும், புகாா்களுக்கு உடனடி தீா்வு காண்பதற்கும் காவல் துறை மூத்த அதிகாரிகள் இக் கூட்டத்தில் கலந்து கொண்டனா்.
இது குறித்து முதுநிலை காவல் கண்காணிப்பாளா் ஆா். கலைவாணன் வெளியிட்ட செய்திக் குறிப்பு: காவல் நிலையங்களில் நடைபெற்ற மக்கள் குறைதீா் நாள் கூட்டத்தில் மூத்த காவல் அதிகாரிகள் கலந்து கொண்டனா்.
அளிக்கப்பட்ட 91 புகாா்களைப் பொதுமக்களிடம் கேட்டறிந்தனா். இவற்றில் 33 புகாா்களுக்கு உடனடியாக நடவடிக்கை எடுக்கப்பட்டது. இக் கூட்டங்களில் 64 மகளிா் உள்பட 283 போ் கலந்து கொண்டனா். இந்த நிகழ்ச்சி இனி ஒவ்வொரு சனிக்கிழமையும் காலை 11 மணி முதல் பிற்பகல் ஒரு மணி வரை நடைபெறும் என்று கூறியுள்ளாா் கலைவாணன்.
