புத்ககங்களைத் தோ்வு செய்ய குழந்தைகளுக்கு வழிகாட்டும் கதை சொல்லிகள்

கதை சொல்லிகள் மூலம் குழந்தைகள் தாமாக புத்தகங்களைத் தோ்வு செய்ய வழிகாட்டுகிறது ஈரோடு புத்தகத் திருவிழா.

ஈரோடு புத்தகத் திருவிழா சிக்கய்ய அரசு கலை, அறிவியல் கல்லூரியில் கடந்த 1- ஆம் தேதி தொடங்கி வரும் 12- ஆம் தேதி வரை நடைபெறுகிறது. இந்த புத்தகத் திருவிழாவுக்கு தினமும் ஏராளமான மாணவா்கள் வந்து செல்கின்றனா். 10 வயதுக்குள்பட்ட குழந்தைகள் ஏதாவது ஒரு புத்தகத்தை வாங்கிக்கொண்டு சென்று விடுகின்றனா். அந்த புத்தகம் குழந்தைகளை வாசிக்க தூண்டுகிா என்பதை உறுதிப்படுத்த முடிவதில்லை. இதனால் குழந்தைகளுக்கு புத்தகங்களில் உள்ள கதைகளை சொல்லி சரியான புத்தகங்களைத் தோ்வு செய்யவும், வாசிப்பைத் தூண்டவும் கதை சொல்லிகள் மூலம் ஈரோடு புத்தகத் திருவிழா வழிகாட்டுகிறது.

தினமும் காலை 11 மணி முதல் பகல் 1 மணி வரை தமிழகத்தில் உள்ள முக்கியமான கதை சொல்லிகள் ஈரோடு புத்தகத் திருவிழா அரங்கில் குழந்தைகளுக்கு கதைகளை சொல்லி, சிறாா் நூல்கள் குறித்து தெரிவித்து, வாசிக்கும் ஆா்வத்தை தூண்டி வருகின்றனா்.

இது குறித்து கோவையைச் சோ்ந்த கதை சொல்லி நான்சி கோமகன் கூறியதாவது: குழந்தைகள் கதை கேட்பதில் மிகவும் ஆா்வம் மிக்கவா்கள். அவா்கள் தாயின் கருவில் இருக்கும்போதே கதைகளை விரும்பி கேட்பா் என்பதை ஆராய்ச்சியாளா்கள் கண்டுபிடித்திருக்கின்றனா். கதைகளே குழந்தைகளுக்குப் புதிய உலகத்தை அறிமுகப்படுத்தும். அவா்களின் கற்பனை ஆற்றலையும் சொல் வங்கியை அதிகரிக்கவும் கதைகளே உதவும். இரவு நேரத்தில் கதைகள் சொல்லி உறங்க வைக்கும்போது அவா்களின் கனவில் அந்தக் கதை காட்சிகளாக விரியும்.

குழந்தைகளுக்கு கதை சொல்லுதல், அவா்களை கதை சொல்லச் சொல்லி கேட்டல் ஆகிய இரண்டும் மிகவும் அவசியம். குழந்தையின் கற்பனைத் திறன் மற்றும் கவனிப்புத் திறன் போன்ற திறன்களை மேம்படுத்த கதை சொல்லுதல் உதவும். நோ்மை, உண்மை பேசுதல், உதவும் மனப்பான்மை, விடாமுயற்சி, தோல்வி கண்டு துவளாமை போன்ற வாழ்க்கைத் திறன்களை மேம்படுத்தலாம். கதை சொல்லுதல் மூலம் குழந்தைகளின் கேள்வி கேட்கும் திறன் வளா்கிறது. கதைகள் கற்பனை வளத்தைத் தூண்ட வல்லவை. எதிா்காலத்தில் சிக்கலான பிரச்னைகளைக் கையாளும் திறன் எளிதாகி விடுவதாக உளவியல் வல்லுநா்கள் கருதுகின்றனா்.

கூட்டுக் குடும்பச் சிதைவு, அறிவியல் வளா்ச்சியும், வீட்டில் உள்ள தாத்தா, பாட்டி கதை சொல்லும் பாணியை பறித்துக் கொண்டு விட்டன. சுமாா் 25 ஆண்டுகளுக்கு முன்பு வரை வீடுதோறும் கதை சொல்லிக்கொண்டு இருந்த தமிழ் சமூகம், தொலைக்காட்சி, கைப்பேசி போன்றவற்றால் கதை சொல்லும் பழக்கம் குறைந்து முற்றிலும் நின்று விட்டது.

குழந்தைகளுக்கு வாசிப்பதற்காக ஒரு கருவியாய் கதை சொல்லல் பயன்படுகிறது. தொடா்ந்து கதை கேட்கும் குழந்தைகள் மிகச் சரியாகச் சிந்தித்து அழகான வாா்த்தைகளை, வாக்கியங்களைக் கோா்வையாக எழுதும் திறனை பெறுகின்றனா். கதைகள் கேட்கும் குழந்தைகள் நிறைய கேள்விகள் கேட்பாா்கள். இது அவா்களுடைய அறிவு வளா்ச்சியை விரிவுப்படுத்த உதவுகிறது. உதயசங்கா், கொ.மா.கோ.இளங்கோ, சுகுமாரன், விழியன், ஆதிவள்ளியப்பன், பாவண்ணன் உள்ளிட்ட ஏராளமான சிறாா் இலக்கிய எழுத்தாளா்களின் படைப்புகள், ஏராளமான சிறாா் கதை புத்தகங்கள் இந்த புத்தகத் திருவிழாவில் வைக்கப்பட்டுள்ளன என்றாா்.

இது குறித்து மக்கள் சிந்தனைப் பேரவைத் தலைவா் த.ஸ்டாலின் குணசேகரன் கூறியதாவது: பள்ளிக் குழந்தைகளிடம் வாசிப்புத் திறனை மேம்படுத்தும் முயற்சியாக ஈரோடு புத்தகத் திருவிழாவில் கடந்த இரண்டு ஆண்டுகளாக கதை சொல்லிகள் மூலம் கதை செல்லும் நிகழ்வு நடத்தப்படுகிறது என்றாா்.

இதுகுறித்து இலக்கிய ஆா்வலரான கோபியைச் சோ்ந்த ஆா்.சதாசிவம் கூறியதாவது: 10 வயது குழந்தை நாவல்களை வாங்கிச்செல்கிறது. அந்த குழந்தையால் நாவலை படிக்க முடியாது. ஆங்கில புத்தகங்களுக்கு என 80க்கும் மேற்பட்ட அரங்குகள் உள்ளன. வரும் ஆண்டுகளில் குழந்தைகளுக்கான புத்தகங்கள் விற்பனை செய்ய குறைந்தது 10 அரங்குகளை ஒதுக்கி, அந்த அரங்கின் எண்களை ஒலிபெருக்கியில் தொடா்ந்து அறிவிப்பதுடன், முகப்பில் அறிவிப்பு பதாகைகளை வைக்க வேண்டும். குழந்தைகளுக்கான புத்தகங்கள் குறித்து ஆசிரியா்களுக்கே தெரிவதில்லை. இதனால் குழந்தைகளுக்கான நூல்கள் குறித்து தொடக்கப்பள்ளி ஆசிரியா்களுக்கு ஆண்டுதோறும் நூலகத் துறை சாா்பில் தனியாக பயிற்சி அளிக்க வேண்டும் என்றாா்.