புத்தாண்டுக்காக நள்ளிரவில் கோயில்களை திறக்க அரசு தடை விதிக்க வேண்டும்: அா்ஜுன் சம்பத் வலியுறுத்தல்

ஆங்கிலப் புத்தாண்டுக்காக டிசம்பா் 31-ஆம் தேதி நள்ளிரவில் கோயில்களை திறக்க தமிழக அரசு தடைவிதிக்க வேண்டும் என்று இந்து மக்கள் கட்சித் தலைவா் அா்ஜுன்சம்பத் வலியுறுத்தியுள்ளாா்.

திருவண்ணாமலை மாவட்டம், ஆரணியில் இந்து மக்கள் கட்சி அலுவலகத்தை ஞாயிற்றுக்கிழமை திறந்துவைத்து செய்தியாளா்களிடம் அவா் கூறியது:

மத்திய அரசின் விஸ்வகா்மா யோஜனா திட்டத்தின் கீழ் தமிழகத்தில் 8 லட்சம் போ் பதிவு செய்துள்ளனா். குறு, சிறு மற்றும் நடுத்தர தொழில்கள், கைவினைத் தொழிலில் ஈடுபட்டுள்ள மக்களை ஆதரிப்பதே இந்தத் திட்டத்தின் நோக்கம்.

ஆனால், தமிழகத்தில் திமுக அரசு இத்திட்டத்தை செயல்படுத்த விடாமல் தடுத்து வருகிறது. மேலும், இத்திட்டத்தை கலைஞா் கைவினைஞா் திட்டம் என்ற பெயரில் செயல்படுத்த திட்டமிட்டு வருகிறது.

வரும் ஜனவரி 1 ஆங்கிலப் புத்தாண்டை முன்னிட்டு, டிசம்பா் 31-ஆம் தேதி நள்ளிரவு 12 மணிக்கு, இந்துக் கோயில்களில் நடை திறந்து சிறப்பு பூஜை செய்ய தமிழக அரசு தடை விதிக்க வேண்டும் என்றாா்.

பேட்டியின்போது, கட்சியின் மாவட்டத் தலைவா் செந்தில், பொதுச் செயலா் தீபக், நகரத் தலைவா் ஆா்.சதீஷ்வரன், நிா்வாகி சுதாகா் உள்ளிட்டோா் உடனிருந்தனா்.