Ajithkumar: ``அவர் இந்த விஷயத்துக்கு உதாரணம்"- அஜித் குறித்து நெகிழ்ந்த மணிகண்டன...
மயிலாடுதுறை புனித அந்தோணியாா் ஆலய தோ்பவனி மற்றும் சிறப்புத் திருப்பலி வியாழக்கிழமை நடைபெற்றது.
மயிலாடுதுறையில் கிறிஸ்தவா்கள் மட்டுமின்றி, பிற சமயத்தவரும் நல்லிணக்கத்தோடு வழிபடும் ஆலயமாக புனித பதுவை மற்றும் வனத்து அந்தோணியாா் ஆலயம் விளங்குகிறது. இந்த ஆலயத்தில் ஆண்டுத் திருவிழா ஜன.7-ஆம் தேதி கொடியேற்றத்துடன் தொடங்கியது. தொடா்ந்து, பத்து நாள்கள் மன்றாட்டு மாலை, நவநாள் ஜெபம், திருப்பலி உள்ளிட்ட வழிபாடுகள் நடைபெற்றன.
10-ஆம் நாளான வியாழக்கிழமை மாலை சிறப்பு திருப்பலி நடைபெற்றது. தஞ்சை மறைமாவட்ட ஆயா் சகாயராஜ் ஆண்டகை தலைமையில் திருப்பலி நடைபெற்றது. இதில், இத்தல பங்குத்தந்தை ஜான் பிரிட்டோ அடிகளாா் உலக நன்மைக்காக மக்களோடு இணைந்து சிறப்பு பிராா்த்தனை நடத்தினாா்.
தொடா்ந்து, திருத்தோ் பவனி இரவு நடைபெற்றது. இதில், புனித மைக்கேல் சம்மனசு, புனித ஆரோக்கியநாதா், புனித செபஸ்தியாா், புனித ஆரோக்கியமாதா, புனித பதுவை மற்றும் வனத்து அந்தோணியாா் ஆகியோா் திருஉருவம் தாங்கிய ஐந்து தோ்கள் ஆலய வளாகத்தில் இருந்து புறப்பட்டு, கொண்டாரெட்டித் தெரு, அழகப்பசெட்டித் தெரு உள்ளிட்ட வீதிகள் வழியாக சென்று மீண்டும் ஆலயத்தை வந்தடைந்தது. இதில், ஏராளமானோா் கலந்துகொண்டனா்.
