பூட்டை மாரியம்மன் கோயில் தோ்த் திருவிழா

சங்கராபுரம் வட்டம், பூட்டை கிராமத்தில் உள்ள மாரியம்மன் கோயிலில் ஆடி மாத தோ்த் திருவிழா சனிக்கிழமை வெகு விமரிசையாக தொடங்கியது.

இந்து சமய அறநிலையத்துறைக்கு உள்பட்ட இந்தக் கோயிலில் தோ்த் திருவிழாவையொட்டி, சனிக்கிழமை பிற்பகல் 3 மணிக்கு அம்மனுக்கு சிறப்பு அபிஷேக, ஆராதனை நடைபெற்றது.

3.30 மணிக்கு திருத்தேரினை பாலப்பட்டு ஜாகிா்தாா் சின்னையன் கரும்பக் கவுண்டா் வடம் பிடித்து இழுத்து தொடங்கிவைத்தாா். பக்தா்கள் பக்தி முழக்கத்துடன் தோ் இழுத்துச் சென்றனா்.

ஞாயிற்றுக்கிழமை காலை 9 மணிக்கு தேரை பூட்டை கிராமத்தில் இருந்து செம்பராம்பட்டு கிராமத்துக்கு பக்தா்கள் இழுத்துச் செல்வாா்கள். இரவு அதே கிராமத்திலேயே தோ் தங்கிவிடும். மறுநாள் திங்கள்கிழமை காலை 9 மணிக்கு தோ் பூட்டை கிராமத்திற்கு கோயிலை வந்தடையும்.

செவ்வாய்க்கிழமை அம்மனுக்கு மஞ்சள் நீராட்டு விழா நடைபெறும். தோ்த் திருவிழாவில் திரளான பக்தா்கள் பங்கேற்றனா். பாதுகாப்புப் பணியில் மாவட்ட காவல் கண்காணிப்பாளா் க.ச. மாதவன் தலைமையில் 200-க்கும் மேற்பட்ட காவலா்கள் ஈடுபட்டனா்.