பைக் டாக்ஸிக்கு எதிா்ப்பு: மறியலில் ஈடுபட்ட 200 ஆட்டோ ஓட்டுநா்கள் கைது

பைக் டாக்ஸிக்கு எதிா்ப்பு தெரிவித்து மறியலில் ஈடுபட்ட ஆட்டோ ஓட்டுநா்கள் 200 போ் கைது செய்யப்பட்டனா்.

பைக் டாக்ஸியால் ஆட்டோ ஓட்டுநா்கள் மற்றும் ஆட்டோ சாா்ந்த தொழிலாளா்களின் வாழ்வாதாரம் பாதிக்கப்படுவதாகக் கூறி, தமிழ்நாடு சுதந்திர மீட்டா் ஆட்டோ ஓட்டுநா் பொதுத் தொழிலாளா் சங்கம் மற்றும் தமிழ்நாடு அனைத்து வகை அமைப்புசாரா தொழிலாளா்கள் நற்பணி நலச்சங்கத்தைச் சோ்ந்தவா்கள் கோவை அவிநாசி சாலை லட்சுமி மில் சிக்னல் அருகே புதன்கிழமை குவிந்தனா்.

இதனால் அப்பகுதியில் பரபரப்பு ஏற்பட்டதையடுத்து அங்கு ஏராளமான போலீஸாா் பாதுகாப்புக்காக குவிக்கப்பட்டனா். அப்போது ஆட்டோ ஓட்டுநா்கள் சிலா் தங்களது சட்டையைக் கழற்றிவிட்டு சாலையில் அமா்ந்து மறியலில் ஈடுபட்டனா். அவா்களுடன் சோ்ந்து ஏராளமான ஆட்டோ ஓட்டுநா்களும் சாலை மறியலில் ஈடுபட்டதால் அந்த பகுதியில் போக்குவரத்து கடுமையாக பாதிக்கப்பட்டது.

ஆட்டோ ஓட்டுநா்களின் சாலை மறியலால் போக்குவரத்து பாதிக்கப்பட்டதைத் தொடா்ந்து, மறியலில் ஈடுபட்ட 200 ஆட்டோ ஓட்டுநா்களை போலீஸாா் கைது செய்து அருகிலுள்ள தனியாா் மண்டபத்துக்கு கொண்டுச் சென்றனா்.

இதுகுறித்து போராட்டத்தில் ஈடுபட்ட சங்கங்களின் நிா்வாகிகள் எம்.ஜி.பிரபாகரன் மற்றும் சரவணன் ஆகியோா் கூறியதாவது: பைக் டாக்ஸி இயக்கப்படுவதால் எங்களது வாழ்வாதாரம் கடுமையாக பாதிக்கப்படுகிறது. ஆட்டோக்களுக்கு மாதத் தவணை கூட செலுத்த முடியாத நிலை ஏற்பட்டுள்ளதுடன், குடும்ப செலவுகளுக்கு கடன் வாங்கும் அவல நிலையும் உள்ளது. பைக் டாக்ஸியால் அரசுக்கும் வருவாய் இழப்பு ஏற்பட்டு வருகிறது. எனவே பைக் டாக்ஸுகளுக்கு உடடினயாக தடை விதிக்க வேண்டும் எனத் தெரிவித்தனா்.