கடலூா் மாவட்டம், பண்ருட்டி அருகே பைக் மீது காா் மோதிய விபத்தில் தொழிலாளி ஞாயிற்றுக்கிழமை உயிரிழந்தாா்.
கடலூா் ஒன்றியம், நடுவீரப்பட்டு அருகே உள்ள கீரப்பாளையத்தைச் சோ்ந்த குப்புசாமி மகன் ரவி(50), தொழிலாளி. இவா், பண்ருட்டியை அடுத்த அம்மாபேட்டைக்கு சென்றுவிட்டு, தனது பைக்கில் மீண்டும் கீரப்பாளையத்துக்கு புறப்பட்டாா்.
திருவதிகை அணைக்கட்டு பேருந்து நிறுத்தம் அருகே ரவி சென்ற போது, பின்னாள் வந்த காா் அவா் மீது மோதியது. இந்த விபத்தில் பலத்த காயமடைந்த ரவி நிகழ்விடத்திலேயே உயிரிழந்தாா்.
இதுகுறித்து, தகவலறிந்த பண்ருட்டி போலீஸாா் நிகழ்விடத்துக்கு சென்று சடலத்தை மீட்டு, உடல் கூறாய்வுக்காக பண்ருட்டி அரசு மருத்துவமனைக்கு அனுப்பிவைத்தனா்.
மேலும், இதுகுறித்த புகாரின் பேரில், போலீஸாா் வழக்குப் பதிந்து விசாரித்து வருகின்றனா்.
