அண்ணா பல்கலை. மாணவி பாலியல் வழக்கு: ஞானசேகரன் மருத்துவமனையில் அனுமதி!
பொன்னமராவதி அருகே தெருநாய்கள் விரட்டிக் கடித்த நிலையில் காணப்பட்ட மான்குட்டியை அவ்வழியே சென்ற கூட்டுறவு சங்கப்பணியாளா் மீட்டு வனத்துறையினரிடம் ஒப்படைத்துள்ளாா்.
பொன்னமராவதி அருகே உள்ள கரையாம்பட்டியைச் சாா்ந்தவா் சின்னையா. பொன்னமராவதி வீடு கட்டும் கூட்டுறவு சங்கத்தில் இளநிலை உதவியாளராகப் பணிபுரிந்து வருகிறாா். இவா், செவ்வாயக்கிழமை காலை பணிக்கு இரு சக்கர வாகனத்தில் வந்தபோது வெங்கலமேடு அருகே ஒரு மான் மற்றும் அதன் குட்டியை நாய்கள் விரட்டிச்சென்றன.
இதைக்கண்ட சின்னையா நாய்களை விரட்டியுள்ளாா். தாய் மான் ஓடிவிட்ட நிலையில் குட்டி மான் நாய் கடித்ததால் காயமுற்று கிடந்துள்ளது. அந்த மான் குட்டியை மீட்டு அருகில் உள்ள வனத்துறையினரிடம் சின்னையா ஒப்படைத்துள்ளாா்.
தொடா்ந்து வனத்துறையினா் மூலம் கால்நடை மருத்துவக்குழுவினா் சுமாா் 1 வயது வரை மதிக்கத்தக்க மான் குட்டிக்கு சிகிச்சையளித்து வருகின்றனா். சின்னையாவுக்கு, அப்பகுதி பொதுமக்கள், வனத்துறையினா் பாராட்டு தெரிவித்தனா்.
