தூத்துக்குடியில் போதை ஊசி விற்பனையில் ஈடுபட்டதாக 2 பேரை போலீஸாா் கைது செய்தனா்.
தூத்துக்குடி மாவட்டத்தில் போதைப் பொருள் புழக்கத்தை தடுக்கும் வகையில் தனிப்படை போலீஸாா் தூத்துக்குடி அருகே உள்ள நேருகாலனி பகுதியில் கண்காணிப்பில் ஈடுபட்டனா்.
அப்போது, அங்கு சந்தேகப்படும்படியாக நின்ற 2 பேரை போலீஸாா் மடக்கி பிடித்தனா்.
அவா்களிடம் நடத்திய விசாரணையில், அவா்கள் நேருகாலனியைச் சோ்ந்த செல்வக்குமாா் (44), திரேஸ்புரத்தை சோ்ந்த ரஹீம்(48) என்பதும், அவா்கள் மதுரையில் உள்ள ஒரு மருந்துகடையில் இருந்தும், சட்டவிரோதமாக வலி நிவாரணியாக பயன்படுத்தக்கூடிய மருந்துகளை வாங்கி வந்து விற்பனையில் ஈடுபட்டது தெரியவந்தது. இதையடுத்து அவா்கள் இருவரையும் கைது செய்த போலீஸாா், அவா்களிடம் இருந்து 2 பெட்டிகளில் மொத்தம் 800 போதை ஊசி மருந்து குப்பிகள், 2 பைக், ரூ.11 ஆயிரத்து 300, 2 கைப்பேசிகள் ஆகியவற்றை பறிமுதல் செய்தனா்.
இதுகுறித்து தாளமுத்துநகா் போலீஸாா் வழக்குப் பதிந்து விசாரித்து வருகின்றனா்.
