'அது குடும்ப பிரச்னை, அதனால்...'- பாமக உட்கட்சி விவகாரம் குறித்து கார்த்தி சிதம்...
பாடலாசிரியரும் நடிகருமான சினேகன் தனது மகள்களின் புகைப்படங்களை சமூக வலைதளப் பக்கத்தில் முதல்முறையாகப் பகிர்ந்துள்ளார்.
கடந்த சில நாள்களுக்கு முன்பு இவருக்கு இரட்டைக் குழந்தை பிறந்த நிலையில், குடும்பத்துடன் இருக்கும் புகைப்படங்களைப் பகிர்ந்து, தனக்கு கொடுத்த அதே அன்பை தனது மகள்களுக்கும் கொடுக்க வேண்டும் எனக் கேட்டுக்கொண்டுள்ளார்.
பாடலாசிரியர், நடிகர், அரசியல் பிரமுகர் என பன்முகத் திறமையாளராக வலம் வந்துகொண்டிருக்கும் சினேகன், 1995-ம் ஆண்டு பாடலாசிரியராகத் திரைப்பயணத்தைத் தொடங்கினார்.
தொடர்ந்து 500 படங்களுக்கு மேல் பணியாற்றியுள்ள அவர், 2500-க்கும் அதிகமான பாடல்களை எழுதியுள்ளார்.
2017-ஆம் ஆண்டு விஜய் தொலைக்காட்சியில் ஒளிபரப்பான பிக் பாஸ் முதல் சீசனில் போட்டியாளராகப் பங்குபெற்ற அவர், இரண்டாவது இடத்தைப் பிடித்திருந்தார். பிக் பாஸ் நிகழ்ச்சிக்குப் பிறகு அந்த நிகழ்ச்சியைத் தொகுத்து வழங்கிய கமல்ஹாசனின் மக்கள் நீதி மய்யம் கட்சியில் சேர்ந்து பிரசாரம் மேற்கொண்டார்.
இதனிடையே கடந்த 2021-ம் ஆண்டு சின்ன திரை நடிகை கனிகாவை சினேகன் திருமணம் செய்து கொண்டார்.
இந்த நிலையில் சினேகன் - கனிகா தம்பதிக்கு, சில மாதங்களுக்கு முன்பு இரட்டைப் பெண் குழந்தைகள் பிறந்தன.
இத்தனை நாட்களாக குழந்தைகளின் புகைப்படத்தை வெளியிடாமல் இருந்த சினேகன், தற்போது குடும்பத்துடன் எடுத்துக் கொண்ட புகைப்படங்களை வெளியிட்டு, மகள்களையும் ரசிகர்களுக்கு அறிமுகப்படுத்தியுள்ளார்.
