ரசிகர் மன்றம் முதல் அரசியல் வரை... விஜய்யின் ஆவணப்படம் வெளியீடு!
திருத்துறைப்பூண்டி அருகேயுள்ள கச்சனத்தில் செவ்வாய்க்கிழமை நடைபெற்ற மக்கள் நோ்காணல் முகாமில் ரூ. 30 லட்சத்தில் நலத்திட்ட உதவிகள் வழங்கப்பட்டன.
கச்சனம், அம்மனூா், விளத்தூா் ஆகிய ஊராட்சிகளுக்கான மக்கள் நோ்காணல் முகாம் கச்சனத்தில் நடைபெற்றது. மாவட்ட ஆட்சியா் வ. மோகனச்சந்திரன், சட்டப்பேரவை உறுப்பினா் க. மாரிமுத்து ஆகியோா் பங்கேற்று நலத்திட்ட உதவிகளை வழங்கினா்.
நிகழ்ச்சியில், ஆட்சியா் பேசியது: வருவாய்த் துறை சாா்பில் 76 பயனாளிகளுக்கு ரூ.26,10,000 மதிப்பில் இ-பட்டாவுக்கான ஆணை, 5 பயனாளிகளுக்கு ரூ.2.40 லட்சத்தில் விலையில்லா மனைப் பட்டா, சமூகப் பாதுகாப்புத் திட்டத்தின் கீழ் 9 பயனாளிகளுக்கு முதியோா் உதவித்தொகை, மாற்றுத்திறனாளி உதவித்தொகை உள்ளிட்ட உதவித் தொகைக்கான ஆணை ரூ. 1, 36,800 மதிப்பில் வழங்கப்பட்டது.
மேலும் பல்வேறு சாா்பில் 133 பயனாளிகளுக்கு ரூ.30,29,983 மதிப்பிலான நலத்திட்ட உதவிகள் வழங்கப்பட்டுள்ளன என்றாா்.
மாவட்ட வருவாய் அலுவலா் கு. சண்முகநாதன், மன்னாா்குடி கோட்டாட்சியா் யோகேஸ்வரன், வேளாண் துறை இணை இயக்குநா் பாலசரஸ்வதி, வட்டாட்சியா் குருமூா்த்தி உள்ளிட்டோா் பங்கேற்றனா்.
