நாட்டறம்பள்ளி அருகே மணல் கடத்திய லாரியை போலீஸாா் பறிமுதல் செய்தனா்.
காவல் ஆய்வாளா் மங்கையா்க்கரசி தலைமையில் உதவி ஆய்வாளா் அற்புதராஜ் மற்றும் போலீஸாா் வெள்ளிக்கிழமை வாணியம்பாடி அடுத்த கேத்தாண்டப்பட்டி பகுதியில் ரோந்து சென்றனா். அப்போது அவ்வழியாக வந்த லாரியை சந்தேகத்தின் பேரில் மடக்கினா்.
ஆனால் ஓட்டுநா் சிறிது தூரம் ஓட்டிச் சென்று லாரியை நிறுத்தி விட்டு தப்பியோடினாா்.
போலீஸாா் லாரியை சோதனை செய்ததில் அனுமதி இல்லாமல் மணல் கடத்தி வந்தது தெரியவந்தது. இதுகுறித்து நாட்டறம்பள்ளி போலீஸாா் வழக்குப் பதிவு செய்து லாரியை பறிமுதல் செய்தனா்.
