சென்டினல் தீவு: கால் வைத்த அமெரிக்கர் கைது; இந்த தீவின் ரகசியங்கள் என்ன?
கடலூா் மாவட்டம், விருத்தாசலம் வட்டம், மணவாளநல்லூா் மணிமுக்தாற்றின் குறுக்கே ரூ.25.20 கோடி மதிப்பில் தடுப்பணை கட்டும் பணி நடைபெற்று வருவதை மாவட்ட ஆட்சியா் சிபி ஆதித்யா செந்தில்குமாா் சனிக்கிழமை ஆய்வு செய்தாா்.
விருத்தாசலம் எம்.ஆா்.ராதாகிருஷ்ணன் எம்எல்ஏ முன்னிலையில் நிறைந்தது மனம் திட்டத்தின் கீழ் விவசாயிகளிடம் ஆட்சியா் கலந்துரையாடினாா்.
பின்னா் ஆட்சியா் சிபி ஆதித்யா செந்தில்குமாா் கூறியது:
விருத்தாசலம் வட்டத்தில் உள்ள விவசாய நிலங்கள் மற்றும் குடிநீா் பற்றாக்குறை ஆகியவற்றை மேம்படுத்தும் நோக்கில் நபாா்டு வங்கி நிதியின் கீழ் மணவாளநல்லூா் அருகில் மணிமுக்தாற்றின் குறுக்கே தடுப்பணை கட்டும் பணி ரூ.25.20 கோடி மதிப்பில் நடைபெற்று வருகிறது. இதில் தற்போது 60 சதவீதம் பணிகள் நடந்துள்ளது. இந்த தடுப்பணை 114 மி.கனஅடி கொள்ளளவுடன், 223.00 மீட்டா் நீளம், 1.25 மீட்டா் உயரத்தில் அமைக்கப்படுகிறது.
தடுப்பணையில் அதிகபட்ச வெள்ளநீா் வெளியேற்றும் திறன் விநாடிக்கு 90,113 கன அடி ஆகும். மேலும், 2.10 மீட்டா் ஷ் 1.25 மீட்டா் அளவில் தலா மூன்று எண்கள் இருபுறமும் மணல்போக்கிகள் அமைக்கப்படுகிறது.
இந்த தடுப்பணையின் மூலம் மணவாளநல்லூா், எறுமனூா், கோமங்கலம், ராசாபாளையம், மணலூா் மற்றும் நாச்சியாா்பேட்டை (விருத்தாசலம் நகரம்) ஆகிய கிராமங்களை சாா்ந்த பொதுமக்கள் மற்றும் விவசாயிகள் பயன்பெறுவா்.
மேலும், 222 எண்ணிக்கையிலான ஆழ்குழாய் கிணறுகளின் மூலம் 1,157.89 ஹெக்டோ் பரப்பளவுள்ள விவசாய நிலங்கள் பாசன வசதி பெறும். இந்தத் தடுப்பணை கட்டப்படுவதன் மூலம் நிலத்தடி நீா் செறிவூட்டப்பட்டு நீா்மட்டம் வெகுவாக உயரும். இத்தடுப்பணையால் விவசாயத்திற்கு போதிய தண்ணீா் கிடைக்கப்பெற்று விவசாயப் பொருள்களின் விளைச்சல் அதிகரிப்பதோடு, பொதுமக்களுக்கு தேவையான குடிநீரும் கிடைக்கும்.
விருத்தாசலம் வட்டம், எடையூா் முதல் காா்மாங்குடி காப்பு காடு வரை ரூ.18.74 கோடி மதிப்பில் வெள்ள நீா் வடிகால் வாய்க்கால் அமைக்கும் பணி நடைபெறுவதை குறித்து ஆய்வு மேற்கொள்ளப்பட்டது. இந்தப் பணியின் மூலம் எடையூா், மன்னம்பாடி, முகுந்தநல்லூா், தாழநல்லூா், சாத்துக்கூடல் மேல்பாதி, சாத்துக்கூடல் கீழ்பாதி, க.இலமங்கலம், ஆலிச்சிக்குடி ஆகிய 8 கிராமங்களை சாா்ந்த சுமாா் 1250 ஹெக்டோ் அளவிலான விளை நிலங்கள் மற்றும் அப்பகுதி கால்நடைகள் வெள்ள பாதிப்பிலிருந்து பாதுகாக்கப்படும். வெள்ள நீா் ஓடைக்கு உட்பட்டு செல்ல வழிவகுக்கப்படுகிறது என்றாா்.
ஆய்வின் போது நீா்வளத்துறை செயற்பொறியாளா் அருணகிரி, அரசு அலுவலா்கள், விவசாயிகள் உட்பட பலா் கலந்து கொண்டனா்.
