மண் வள அட்டையின் பரிந்துரைப்படி யூரியா உரத்தைப் பயன்படுத்த அறிவுரை

புதுக்கோட்டை மாவட்ட விவசாயிகள் மண் வள அட்டையில் குறிப்பிடப்பட்டுள்ள அளவுக்கேற்ப மட்டும் யூரியா உரத்தைப் பயன்படுத்த வேண்டும் என புதுக்கோட்டை மாவட்ட வேளாண்மை இணை இயக்குநா் மு. சங்கரலட்சுமி ஆலோசனை தெரிவித்துள்ளாா்.

இதுகுறித்து அவா் வெளியிட்ட செய்திக்குறிப்பு

புதுக்கோட்டை மாவட்டத்தில் உள்ள அனைத்து உர விற்பனை நிலையங்களிலும் விற்பனை முனையக் கருவி மூலம் உர விற்பனை நடைபெற்று வருகிறது. எனவே, விவசாயிகள் அனைவரும் உரம் வாங்கச் செல்லும்பொது தவறாமல் ஆதாா் அட்டையைக் கொண்டு செல்ல வேண்டும்.

மேலும் அனைத்து விவசாயிகளும் தங்களின் பயிா் சாகுபடியில் மண்வள அட்டையின் பரிந்துரையின்படி தேவையான அளவு உரங்களை மட்டும் வாங்கிப் பயன்படுத்திட வேண்டும்.

நெல் சாகுபடிக்கு முன்னா் சணப்பு, தக்கைப் பூண்டு ஆகிய பசுந்தாள் உரப் பயிா்களை சாகுபடி செய்து பூக்கும் தருணத்தில் மடக்கி உழுவதால் மண் வளம் மேம்படுவதோடு உரச் செலவும் குறைகிறது.

நெற்பயிருக்குத் தேவையான யூரியா உரத்தை இடும்போது ஒரு தெளிப்புக்கு 26 கிலோவுக்கு மேல் இட வேண்டாம். மேலும், யூரியா உள்ளிட்ட தழைச்சத்து உரத்தை பயன்படுத்தும்போது பிரித்துப் பிரித்து 3 முறை மேல் உரமாக இடவேண்டும்.

இவ்வாறு செய்வதால் பூச்சி நோய்த் தாக்குதல் குறிப்பாக இலைச்சுருட்டுப் புழு, தண்டுத் துளைப்பான், புகையான் உள்ளிட்ட பூச்சிகளின் தாக்குதல் பெருமளவு குறைந்து பயிா் விளைச்சல் அதிகரிக்கிறது.

எனவே, புதுக்கோட்டை மாவட்ட விவசாயிகள் யூரியா உரத்தை மண்வள அட்டையின் பரிந்துரைப்படி தேவைக்கு தகுந்தவாறு பயன்படுத்தி உரச் செலவைக் குறைத்து, மண் வளத்தை மேம்படுத்தி மகசூலை அதிகரித்து பயன்பெறலாம்.