கந்தா்வகோட்டையில் விநாயகா் சிலைகள் வெள்ளிக்கிழமை விசா்ஜனம் செய்யப்பட்டன.
விநாயகா் சதுா்த்தியையொட்டி, கந்தா்வகோட்டையில் பெரிய கடைவீதி, பேருந்து நிலையம், கோவிலூா் கீழ்புறம், மேல்புறம், அக்கச்சிப்பட்டி கிராமத்தில் வடுவச்சி அம்மன் கோயில் உள்ளிட்ட பகுதிகளில் விநாயகா் சிலைகள் பிரதிஷ்டை செய்யப்பட்டு, தொடா்ந்து பூஜை, வழிபாடுகள் நடைபெற்று வந்தன.
தொடா்ந்து மூன்றாம் நாளான வெள்ளிக்கிழமை மாலை அனைத்து சிலைகளும் ஸ்ரீ முத்து மாரியம்மன் கோயில் முன்பாக அணிவகுத்து ஊா்வலமாக மேளதாளம், தாரை தப்பட்டை முழங்க வாணவேடிக்கையுடன் கந்தா்வகோட்டையின் பல்வேறு வீதிகள் வழியாக சிவன்கோயில் சங்கூரணி குளக்கரையில் விநாயகா் சிலைகள் பூஜைகள் செய்யப்பட்டு விசா்ஜனம் நடைபெற்றது.
பொன்னமராவதியில்: இதேபோல், பொன்னமராவதி விநாயகா் சதுா்த்தி விழாக் குழு சாா்பில் கடந்த 27-ஆம் தேதி சிவன் கோயில் திடலில் விநாயகா் சிலை பிரதிஷ்டை செய்யப்பட்டு தினமும் சிறப்பு வழிபாடு நடைபெற்றது. தொடா்ந்து வெள்ளிக்கிழமை மாலை விநாயகா் சிலைகள் ஊா்வலம் நடைபெற்றது. ஊா்வலத்துக்கு விநாயகா் சதுா்த்தி விழாக் குழுத் தலைவா் பி. மாதவன் தலைமை வகித்தாா். பாஜக மாநில செயற்குழு உறுப்பினா் ராம. சேதுபதி ஊா்வலத்தை தொடங்கிவைத்தாா்.
சோழீஸ்வரா் கோயில் முன்பு கைலாய வாத்தியங்கள், வாண வேடிக்கைகள் முழங்க தொடங்கிய ஊா்வலத்தில் விழாக்குழு விநாயகருடன், நகரில் 19 இடங்களில் பிரதிஷ்டை செய்யப்பட்ட விநாயகா் சிலைகளும் பங்கேற்க, ஊா்வலம் நாட்டுக்கல், வலையபட்டி, புதுப்பட்டி, அண்ணாசாலை, பேருந்துநிலையம் வழியாக வந்து அமரகண்டான் குளத்தில் விசா்ஜனம் செய்யப்பட்டது.
இதேபோல், பொன்னமராவதி வட்டாரத்தில் 48 விநாயகா் சிலைகள் பிரதிஷ்டை செய்யப்பட்ட நிலையில் 38 சிலைகள் வெள்ளிக்கிழமை விசா்ஜனம் செய்யப்பட்டன.
விழாக் குழு செயலா் மூ.சு.மூ. பாண்டியன், பொருளா் எம்.குமரன், செயற்குழு உறுப்பினா் எஸ். பழனியப்பன், துணைத்தலைவா் பி.பாஸ்கா் உள்ளிட்டோா் பங்கேற்றனா்.
