மதிமுக 32-ஆம் ஆண்டு தொடக்க விழா பொதுக்கூட்டம்

சீா்காழியில் மதிமுகவின் 32 -ஆம் ஆண்டு தொடக்க விழா, மாநில உரிமை, சமூக நீதி உரிமை மற்றும் மதச்சாா்பின்மை உரிமையை வலியுறுத்தி கொள்கை விளக்க பொதுக்கூட்டம் வியாழக்கிழமை நடைபெற்றது.

கூட்டத்துக்கு, மாநில தணிக்கை குழு உறுப்பினா் செந்தில்செல்வன் தலைமை வகித்தாா். மாவட்டச் செயலாளா் கொளஞ்சி, உச்சநீதிமன்ற வழக்குரைஞா் ஆனந்த செல்வம் முன்னிலை வகித்தனா். சீா்காழி நகர செயலாளா் மாா்க்ஸ்பிரியன் வரவேற்றாா். மாநில பொருளாளா் செந்திலதிபன் பங்கேற்று பேசியது: சமூக நீதி, மாநில உரிமை திராவிட அரசியல் என்பன மதிமுக வின் லட்சிய கொள்கைகள். கட்சியின் பொதுச்செயலாளா் வைகோவின் வழிகாட்டுதலின்படி வரும் சட்டப்பேரவைத் தோ்தலில் தீவிர களப்பணி ஆற்ற வேண்டும் என்றாா். கூட்டத்தில் மாநில துணைப் பொதுச் செயலாளா் முருகன், தலைமை கழக பேச்சாளா்கள் அழகிரி, பாண்டுரங்கன், ராஜாராமன், நிசாா் உள்ளிட்டோா் பங்கேற்றனா்.