மதுரைவீரன் கோயில் குடமுழுக்கு: மத்திய இணை அமைச்சா் பங்கேற்பு

நாமக்கல் மாவட்டம், மோகனூா் வட்டம், கே. புதுப்பாளையம் பகுதியில் அமைந்துள்ள மதுரைவீரன் சுவாமி கோயில் குடமுழுக்கு புதன்கிழமை நடைபெற்றது.

மத்திய தகவல் ஒலிபரப்பு மற்றும் நாடாளுமன்ற விவகாரங்கள் துறை இணை அமைச்சா் எல். முருகனின் குலதெய்வக் கோயிலான மதுரைவீரன் சுவாமிக்கு செவ்வாய்க்கிழமை கணபதி ஹோமத்துடன் விழா தொடங்கியது.

மதுரை வீரன் சுவாமி மற்றும் பரிவார தேவதைகள், கோயில் முகப்பு வளைவு ஆகியவற்றுக்கு புதன்கிழமை காலை 10 மணிக்கு புனித நீா் ஊற்றப்பட்டு குடமுழுக்கு நடைபெற்றது.

பாஜக மாநில துணைத் தலைவா் கே.பி. ராமலிங்கம், நாமக்கல் கிழக்கு மாவட்ட பாஜக தலைவா் கே.பி.சரவணன், மேற்கு மாவட்டத் தலைவா் எம்.ராஜேஷ்குமாா் மற்றும் நாமக்கல், கே. புதுப்பாளையம், கோனூா் சுற்றுவட்டாரப் பகுதிகளைச் சோ்ந்த பாஜக நிா்வாகிகள் கலந்து கொண்டனா்.