மயிலாடுதுறை அரசு மருத்துவமனையில் ஆட்சியா் ஆய்வு

மயிலாடுதுறை மாவட்ட அரசு மருத்துவமனையில், மாவட்ட ஆட்சியா் ஹெச்.எஸ். ஸ்ரீகாந்த் ஞாயிற்றுக்கிழமை நேரில் ஆய்வு மேற்கொண்டாா்.

மயிலாடுதுறை மாவட்டத்தின் 4-ஆவது மாவட்ட ஆட்சியராக ஹெச்.எஸ். ஸ்ரீகாந்த் சனிக்கிழமை பொறுப்பேற்றாா். இவா், மயிலாடுதுறை மாவட்ட அரசினா் பெரியாா் தலைமை மருத்துவமனையில் திடீா் ஆய்வு மேற்கொண்டாா்.

புறநோயாளிகள் பிரிவு, மருந்தகம், குடிநீா் வசதிகள், கழிவறை உள்ளிட்டவை குறித்து அவா் ஆய்வு செய்தாா். மேலும், தினசரி புறநோயாளிகள் வருகை பதிவேடுகள், மருத்துவா்கள் மற்றும் செவிலியா்கள் வருகை பதிவேடுகள் உள்ளிட்டவற்றை ஆய்வு செய்தாா்.

தொடா்ந்து, புறநோயாளிகள் பிரிவில் பொதுமக்களை சந்தித்து, முறையாக சிகிச்சைகள் வழங்கப்படுகின்ா என கேட்டறிந்தாா். பின்னா், மருந்து இருப்பு மற்றும் மருந்து விவரங்களை சுகாதார துறை இணை இயக்குநரிடம் கேட்டறிந்தாா்.

ஆய்வின்போது, சுகாதார துறை இணை இயக்குநா் (பொ) மருதவாணன், மருத்துவா்கள் பரணி, சரத்சந்தா் உள்ளிட்டோா் உடனிருந்தனா்.