மயிலாடுதுறை மாவட்டத்தில 175 நேரடி நெல்கொள்முதல் நிலையங்கள் திறக்க அனுமதி

மயிாலடுதுறை மாவட்டத்தில் 175 நேரடி நெல் கொள்முதல் நிலையங்கள் திறக்க அனுமதி வழங்கப்பட்டுள்ளது என்றாா் மாவட்ட ஆட்சியா் ஏ.பி. மகாபாரதி.

செம்பனாா்கோவில் அருகே கிடாரங்கொண்டானில் உள்ள நேரடி நெல் கொள்முதல் நிலையத்தில் சம்பா பருவத்துக்கான நெல் கொள்முதல் பணியை தொடக்கிவைத்து பேசியது: மாவட்டத்தில் நிகழாண்டு 175 நெல் கொள்முதல் நிலையம் திறக்க அனுமதி வழங்கப்பட்டுள்ளது. தற்போது 68 நெல் கொள்முதல் நிலையங்கள் திறக்கப்பட்டுள்ளன. நெல் வரத்துக்கு தகுந்தாற்போல படிப்படியாக கொள்முதல் நிலையங்கள் திறக்கப்படும். மாவட்டத்தில் 68,880 ஹெக்டேரில் நெல் சாகுபடி நடைபெற்றுள்ள நிலையில் 3,44,400 மெ.டன் நெல் உற்பத்தியாகும் என எதிா்பாா்க்கப்படுகிறது. தமிழ்நாடு நுகா்பொருள் வாணிபக்கழகம் மூலம் 2,50,000 மெ.டன் தற்போது கொள்முதல் செய்யப்படும் என்று எதிா்பாா்க்கப்படுகிறது. சன்னரக நெல் குவிண்டால் 1-க்கு 2,320, ஊக்கத்தொகை 130 என மொத்தம் ரூ. 2,450-க்கும், பொதுரக நெல் குவிண்டால்1-க்கு ரூ.2,300, ஊக்கத்தொகை ரூ.105 என மொத்தம் ரூ.2,405 வழங்கப்படும். சன்னரக நெல் ஒரு மூட்டைக்கு (40 கிலோ) ரூ.980-க்கும், பொதுரகம் ஒரு மூட்டைக்கு (40 கிலோ) ரூ.962-க்கும், விவசாயிகளுக்கு வழங்கப்படும்.

விவசாயிகள் விற்பனை செய்ய பயிரிட்டதற்கான ஆதாரங்களான பட்டா, சிட்டா, அந்தந்த கிராம நிா்வாக அலுவலா்களிடம் பெற்றுக்கொள்ளலாம். அதில், ஏதேனும் சிரமங்கள் இருந்தால் மாவட்ட நிா்வாகத்தை அணுகலாம். குறைகளை களைய 24 மணி நேரமும் செயல்படும் தமிழ்நாடு நுகா்பொருள் வாணிபக்கழக கட்டுப்பாட்டு அறையை தொடா்பு கொள்ளலாம். மேலும், 04364-211054, நுகா்பொருள் வாணிப கழக முதுநிலை மண்டல மேலாளரை 8760947606 ஆகிய எண்களில் தொடா்பு கொண்டு தெரிவிக்காலம் என்றாா்.

நிகழ்ச்சியில், நுகா்பொருள் வாணிபக் கழக முதுநிலை மண்டல மேலாளா் மோகன், தரங்கம்பாடி வட்டாட்சியா் மகேஷ் உள்ளிட்டோா் பங்கேற்றனா்.