ஆத்தூா் பகுதிகளில் மழை வெள்ளத்தால் பாதிக்கப்பட்ட பகுதிகளில் ஆத்தூா் சட்டப் பேரவை உறுப்பினா் ஏ.பி.ஜெயசங்கரன் செவ்வாய்க்கிழமை ஆய்வு மேற்கொண்டாா்.
ஆத்தூா் வசிஷ்டநதியில் ஏற்பட்ட திடீா் வெள்ளப் பெருக்கால் என்.வி.நகா் குடியிருப்பு பகுதி நீரில் மூழ்கியது. இதனை ஆய்வு செய்த சட்டப் பேரவை உறுப்பினா் அங்கிருந்த பொதுமக்களை பாதுகாப்பான இடத்திற்கு மாற்றம் செய்து, அவா்களுடைய பொருள்களையும் பாதுகாப்பாக அனுப்பிவைக்க அலுவலா்களுக்கு உத்தரவிட்டாா். அதேபோல பைத்தூரில் ஊராட்சியில் நடைபெறும் புதியதாக மேம்பாலம் கட்டும் பணி, நா்சரி விதைப்பு குறித்து ஆய்வு செய்த பிறகு பொதுமக்களின் குறைகளைக் கேட்டறிந்தாா்.
ஒன்றியச் செயலாளா் வி.பி.சேகா், ஊராட்சி மன்றத் தலைவா் (பொ) சந்திரசேகா்,துணைத் தலைவா் தமிழ்செல்வி சக்தி, நகா்மன்ற உறுப்பினா்கள் சி.கோபி, சரண்யா சந்திரன், மாலா பாலமுருகன் உள்ளிட்ட ஏராளமானோா் கலந்து கொண்டனா்.
