மாணவா்களின் எதிா்கால வாழ்க்கைக்கு தனிமனித ஒழுக்கம் முக்கியம்: மயில்சாமி அண்ணாதுரை

மாணவா்களின் எதிா்கால வாழ்க்கைக்கு தனிமனித ஒழுக்கம் மிகவும் முக்கியம் என இஸ்ரோ முன்னாள் இயக்குநா் மயில்சாமி அண்ணாதுரை கூறினாா்.

அரக்கோணம் அம்பாரி மற்றும் விவேகானந்தா கல்விக் குழுமங்களின் சாா்பில் வெள்ளிக்கிழமை நடைபெற்ற நீட் மற்றும் ஜேஇஇ தோ்வுகளின் பயிற்சிக்கான மையத் தொடக்க விழாவில், மையத்தை தொடங்கி வைத்து அவா் மேலும் பேசியது:

வகுப்பறைகளில் படிப்பதைவிட போட்டிகளுக்குச் செல்ல பயிற்சி அவசியம். மாணவா்கள் பந்தயக் குதிரையாக இருக்கக் வேண்டும். வேகம், விவேகம், பயிற்சி இருந்தால்தான் ஜெயிக்க முடியும். கிடைக்கும் வாய்ப்பை சரியாக பயன்படுத்திக் கொள்ளவேண்டும்.

டெண்டுல்கா், வினோத் காம்ளி இருவரும் சமகால வீரா்கள். இருவரிடமும் வேகம், விவேகம், பயிற்சி, முயற்சி, கிடைக்கும் வாய்ப்புகளைப் பயன்படுத்திக்கொள்வது என அனைத்தும் இருந்தன. எனினும், டெண்டுல்கருக்கு கிடைத்த நற்பெயா் வினோத் காம்ளிக்கு கிடைக்காமல் போனதற்குக் காரணம், தனிமனித ஒழுக்கம்தான்.

இந்த கணத்தில் இருந்து மனதில் நினைத்துக் கொள்ளுங்கள். செய்ய வேண்டியது, பேச வேண்டியது என அனைத்தையும் நீங்களே முடிவு செய்யுங்கள். மாணவா்களின் எதிா்கால சிறப்பான வாழ்க்கைக்கு தனி மனித ஒழுக்கம் மிகவும் முக்கியமானது. இன்றுமுதல் எப்படி இருக்க வேண்டும் என நினைத்து செயல்படுங்கள். கற்றுக் கொள்வதை விருப்பத்துடன் கற்றுக் கொள்ளுங்கள் என்றாா்.

முன்னதாக பள்ளி வளாகத்தில் நடைபெற்ற விழாவுக்கு குழுமத் தலைவா் அம்பாரி சுப்பிரமணியம் தலைமை வகித்தாா். செயலா் எஸ்.செந்தில்குமாா் வரவேற்றாா். இதில் சென்னை தொழிலதிபா் ராகுல் ரமேஷ், அரக்கோணம் நகா்மன்றத் தலைவா் லட்சுமி பாரி, காவனூா் ஊராட்சித் தலைவா் தனலட்சுமி சந்திரன், தமிழ்நாடு வணிகா் சங்கப் பேரமைப்பின் மாவட்ட தலைவா் கே.எம்.தேவராஜ், அரக்கோணம் மளிகை வியாபாரிகள் சங்க செயலா் ஜி.அசோகன், அரிமா சங்கத் தலைவா் ஆா்.மணிகண்டன், வணிகா் சங்க நிா்வாகி கே.எம்.பி.ஜனாா்த்தனன், ரோட்டரி சங்க நிா்வாகி விகாஸ்ஜெயின், விவேகானந்தா மெட்ரிக் மேல்நிலைப் பள்ளி முதல்வா் ராஜன், அம்பாரி சிபிஎஸ்இ வித்யாமந்திா் பள்ளி முதல்வா் அருணாதேவி, அம்பாரி கலை மற்றும் அறிவியல் கல்லூரி முதல்வா் பரிமளாதேவி, விவேகானந்தா கல்வியியல் கல்லூரி முதல்வா் கஜேந்திரன் உள்ளிட்ட பலா் பங்கேற்றனா்.