BB Tamil 8: 'வீட்டுல யாராவது பெரியவுங்க இருந்தா கூட்டிட்டு வாங்க' - அர்ணவை ரோஸ்ட் செய்த அருண்

பிக் பாஸ் நிகழ்ச்சியின் 92வது நாளுக்கான மூன்றாவது புரோமோ வெளியாகி இருக்கிறது.

பிக் பாஸ் நிகழ்ச்சி இப்போது இறுதிக் கட்டத்தை நெருங்கி நகர்ந்துகொண்டிருக்கிறது. கடந்த வாரம் TTF டாஸ்க் நடைபெற்றது. இறுதிப் போட்டிக்கான முதல் போட்டியாளராக ரயான் தேர்வாகி இருக்கிறார். இந்த சீசனின் கடைசி போட்டியாளராக வந்து இப்போது முதல் பைனலிஸ்டாக இவர் மாறி இருக்கிறார்.

இதனிடையே ராணவ், மஞ்சரி ஆகியோர் வெளியேறி இருக்கின்றனர். இன்று (ஜனவரி 6) வெளியான இரண்டாவது புரோமோவில் பிக் பாஸ் ஒரு அதிரடியான அறிவிப்பு ஒன்றை வெளியிட்டிருந்தார்.

அதாவது வைல்ட் கார்ட் என்ட்ரியில் உங்களுடன் ஏற்கெனவே மோதிய சகப்போட்டியாளர்கள் உள்ளே வரப்போகிறார்கள். அவர்களுடன் நீங்கள் மீண்டும் மோத வேண்டும் என்று பிக் பாஸ் அறிவித்திருந்தார். இந்நிலையில் தற்போது வெளியாகி இருக்கும் மூன்றாவது புரோமோவில் வைல்ட் கார்ட் மூலம் உள்ளே வருபவர்களை ரோஸ்ட் செய்ய உங்களுக்கு ஒரு வாய்ப்பு என்று பிக் பாஸ் அறிவிக்க, போட்டியாளர்கள் ஒவ்வொருத்தரும் வைல்ட் கார்ட் மூலம் உள்ள வருபவர்களுக்கு ஒரு டேக் லைனை கொடுக்கிறார்கள்.

அந்தவகையில் 'வீட்ல யாராவது பெரியவுங்க இருந்தா கூட்டிட்டு வாங்க' என்று அர்ணவை ரோஸ்ட் செய்கிறார் அருண். அதேபோல 'வெளியேவே இருங்க அப்போதான் நல்லா பேசுவிங்க போல' என்று தீபக் சுனிதாவை சொல்கிறார். இப்படி ஒவ்வொரு போட்டியாளர்களும் ஒவ்வொருத்தரை ரோஸ்ட் செய்கிறார்கள்.